Անկարայում Ավստրիայի դեսպանը կկանչվի Թուրքիայի ԱԳՆ

Քաղաքական12:12, 29 Հունիս 2020

Անկարայում Ավստրիայի դեսպանը կկանչվի Թուրքիայի ԱԳՆ

Անկարայում Ավստրիայի արտակարգ և լիազոր դեսպանը կկանչվի Թուրքիայի արտգործնախարարություն: Պատճառը Վիեննայում քրդերի անցկացրած ակցիաներն են, որոնք, ըստ թուրքական կողմի, կազմակերպել են Թուրքիայում ահաբեկչկան համարվող «Քուրդիստանի բանվորական կուսակցություն» (ՔԲԿ-PKK) ռազմաքաղաքական կազմակերպության համակիրները:

Թուրքիայի ԱԳՆ-ի տարածած հայտարարության մեջ մասնավորապես ասվում է. «Նշյալ ակցիաների միջոցով արված ՔԲԿ ահաբեկչական կազմակերպության քարոզչության իրականացումը թույլատրելը, կազմակերպության խորհրդանիշերի օգտագործման վրա աչք փակելն ու մեր երկիրը թիրախավորելը բացարձակապես անընդունելի են»:

Հայտարարության մեջ դատապարտվել է նաև Ավստիայի ոստիկանության գործողությունները, որոնց արդյունքում, թուրքական կողմի պնդմամբ, մարմնական վնասվածքներ են ստացել տեղաբնակ թուրք երիտասարդներ։

«Վիեննայում PKK-ին հարող խմբերի քառօրյա ակցիաների, ինչպես նաև Ավստրիայի անվտանգության ուժերի կողմից թուրք երիտասարդների նկատմամբ ուժ կիրառելու վերաբերյալ մեր մտահոգությունները փոխանցելու նպատակով Անկարայում ավստրիայի դեսպանը կկանչվի արտգործնախարարություն»,-ասված է հայտարարության մեջ:

Աղբյուր` DHA

Այս ենթաբաժնի վերջին նորությունները

17:16, 15 մայ

Ըստ Ֆիդանի՝ ռուս-ուկրաինական կողմերը պիտի քայլեր ձեռնարկեն բանակցային սեղանի շուրջ՝ զիջումների գնալով

Թուրքիայի արտգործնախարարն Անթալիայում կայացած ՆԱՏՕ-ի արտգործնախարարների ոչ պաշոնական հանդիպումից հետո հանդես է եկել մամուլի ասուլիսով։

15:46, 15 մայ

Էրդողանն Անկարայում ընդունել է Զելենսկուն

Ակնկալվում է, որ օրակարգում են լինելու ռուս-ուկրաինական պատերազմի վերջին զարգացումները:

12:46, 15 մայ

Թուրքիան քայլեր չի ձեռնարկում վիզաների ազատականացման հարցում բոլոր կետերին բավարարելու համար

Եվրախորհրդարանում Թուրքիայի մասով զեկուցող Նաչո Սանչես Ամորը նյարդայնացնող է համարել այն, որ թուրք ուսանողները կարողանում են կրթաթոշակ ստանալ, սակայն վիզա՝ ոչ: