Ռազմական17:17, 29 Հունիս 2020
Հունական մեդիա. Թուրքիան նոր հակատանկային միջոցները Հունաստանի դեմ է օգտագործելու
Թուրքական FNSS ռազմաարդյունաբերական ընկերության կողմից արտադրված նոր հակատանկային միջոցների մատակարարումը Թուրքիայի զինված ուժերին արձագանք է գտել հունական մամուլում:
Հունական «Pentapostagma» կայքն անդրադարձել է հակատանկային զրահապատ մեքենաների մատակարարմանն ու ռուսական «Kornet» և թուրքական «Umtas» հակատանկային հրթիռների ինտեգրմամբ դրանց հաջող փորձարկումներին։
«Թուրքերը պատրաստվում են…» վերնագրով հոդվածում ուշադրություն է հրավիրվում այն հանգամանքին, որ Թուրքիայի բանակը նոր հակատանկային միջոցներով համալրելու մասին հայտարարությունը հաջորդել է Հունաստանի՝ ԱՄՆ-ից 1200 միավոր M117 զրահամեքենա և 350 միավոր M2A2 Bradley հարձակողական զրահամեքենաներ գնելու մասին հայտարարությունից հետո:
Հոդվածում պնդում է արվել նաև, որ Թուրքիան նախատեսում է իր սպառազինության մեջ մտցրած «Kaplan» և «Pars» հակատանկային համակարգերն օգտագործել հունական տանկերի դեմ:
Հույն ռազմական լրագրողներից մեկն էլ սոցցանցում արած մեկնաբանության մեջ հարց է հնչեցրել, թե արդյոք Թուրքիան Միջերկրական ծովում սպասվող բախումից հետո նախատեսում է երկու երկրների սահմանով հոսող Մարիցա գետի կողմից օկուպացիայի ենթարկել Հունաստանը:
Նշենք, որ «Kaplan» թրթուրավոր թեթև քաշային հակատանկային զրահապատ համակարգերի ու «Pars» անվավոր հակատանկային զրահապատ համակարգերի առաջին խմբաքանակները թուրքական զինված ուժերին մատակարարվեցին 2019-ի դեկտեմբերին: Այնուհետև դրանք թուրքական զինված ուժերի կողմից փորձարկվեցին ռուսական «Kornet» և թուրքական «Umtas» հակատանկային հրթիռներով:
Մինչև 2022թ. Թուրքիայի բանակին պետք է մատակարարվի ընդհանուր առմամբ 260 համակարգ (184 միավոր թրթուրավոր, 76 միավոր անվավոր), որոնցից 196-ի աշտարակներին տեղադրված կլինի թուրքական, իսկ 64-ի աշտարակներին ռուսական հակատանկային հրթիռներ:
Այս ենթաբաժնի վերջին նորությունները
Այն բացվել էր 2021-ի հունվարի 30-ին։ Կենրոնում ծառայում էին 60 ռուս և 60 թուրք զինվոր։
2022-ի համեմատ 2023-ին Թուրքիայի ռազմական ծախսերն այն աճել են 37%-ով՝ հասնելով 15.8 միլիարդ դոլարի։
Առաջիկայում սպասվում է Էրդողանի այցն Իրաք, որտեղ քննարկվելու է քուրդ զինյալների դեմ ցամաքային գործողություններըի հարցը։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Թուրքիայի Արտաքին գործերի նախարարությունն իր պաշտոնական կայքում Հայոց ցեղասպանության առնչությամբ միջազգային արձագանքները դատապարտող հայտարարություն է հրապարակել։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |