Ֆրանսիայի ԱԳՆ․ Թուրքիան պիտի հայտարարի, որ ցանկանում է «սիրիականացնել» Լիբիան

Քաղաքական10:20, 25 Հունիս 2020

Ֆրանսիայի ԱԳՆ․ Թուրքիան պիտի հայտարարի, որ ցանկանում է «սիրիականացնել» Լիբիան

Ֆրանսիայի արտգործնախարար Ժան-Իվ Լը Դրիանը ԵՄ անդամ երկրներին կոչ է արել արտահերթ նիստ գումարել Թուրքիայի և Եվրամիության հարաբերությունները վերանայելու համար։

Նշենք, որ վերջերս Լիբիայում և Արևելյան Միջերկրական ծովում Թուրքիայի ապօրինի գործողությունների պատճառով սրվել էր թուրք-ֆրանսիական հարաբերությունները։ Պաշտոնական Փարիզը դատապարտել էր Թուրքիայի ռազմական օժանդակությունը Լիբիայի Ազգային համաձայնության կառավարությանը և Սիրիայի նկատմամբ որդեգրած դիրքորոշումը։

Ժան-Իվ Լը Դրիանը ԵՄ խորհրդարանականներին ասել է, որ Ֆրանսիան գտնում է, որ Անկարայի հետ հարաբերությունների ապագայի վերաբերյալ սպասումների հարցում ԵՄ-ն պետք է համապարփակ քննարկում սկսի, որը կներառի բոլոր հարցերը։

Նախարարը նշել է, որ պետք է պաշտպանել ԵՄ-ի շահերը։

Նրա խոսքով՝ պետք է Թուրքիան հայտարարի, որ ցանկանում է Լիբիան «սիրիականացնել» և դերակատարություն ստանձնել այդ երկրում։

Հիշեցնենք, որ թուրքական ռազմանավը Լիբիայի ափամերձ շրջանում հրաժարվել էր կատարել տեղափոխվող բեռի ստուգման մասին ֆրանսիական ռազմանավի հրահանգը, որը մասնակցում էր ՆԱՏՕ-ի Sea Guardian գործողություններին:

Խուսափելով ստուգումից՝ թուրքական նավը ռադարային համակարգի օգնությամբ նշանառության տակ էր առել ֆրանսիական ռազմանավը, ինչը ֆրանսիական ռազմական գերատեսչությունը դիտարկել էր որպես «թշնամական և ագրեսիվ գործողություն»:

Ֆրանսիայի նախագահ Էմանուել Մակրոնը Լիբիայում Թուրքիայի ապօրինի գործողությունների վերաբերյալ հայտնել էր, որ այդ երկիրը վտանգավոր խաղ է խաղում։ Իսկ Թուրքիայի ԱԳՆ-ը հայտնել էր, որ Մակրոնի խոսքերը կարելի է բացատրել «բանականության մթագնումով»։

Աղբյուր` diken.com.tr