Միջազգային17:49, 18 Հունիս 2020
ՄԱԿ․ «Փախստականների հարցերով Թուրքիա-ԵՄ համաձայնագիրը լավագույն լուծումը չէր»
ՄԱԿ-ի փախստականների հարցերով գերագույն հանձնակատարի գրասենյակը պահանջել է Եվրամիությունից՝ «Փախստականների և ապաստանի մասին» օրենքում փոփոխություններ կատարելիս հիմք չընդունել 2016թ․ Թուրքիայի հետ կնքված համաձայնագիրը։
Գրասենյակի ներկայացուցիչ Սոֆի Մագեննիսը հունիսի 17-ին կայացած մի օնլայն հանդիպման ժամանակ նշել է, որ փախստականների հարցերով Թուրքիայի և ԵՄ-ի միջև կնքված պայմանագիրը միայն արտաքուստ էր լավ լուծում։
Նա ընդգծել է, որ ինչպես պարզվեց, Եվրոպա հասած փախստականներին որպես առավել ապահով երկիր Թուրքիա արտաքսելն ու միաժամանակ Եվրամիության ու միջազգային օրենքի նորմերին համապատասխան գործելը այնքան էլ հեշտ չէ, որքան ենթադրվում էր նշված փաստաթղթում։
Մագեննիսի բնութագրմամբ՝ Հունաստան հասած փախստականների վիճակը պարզապես «շոկ է հարուցում», ուստի Եվրամիությունը պետք է ոչ թե փախստականների հիմնախնդրի պատասխանատվությունը գցի այլ երկրի վրա, այլ ուշադրությամբ ուսումնասիրի ապաստանի յուրաքանչյուր դիմումի բովանդակությունը։
Իսկ Գյոթինգենի համալսարանի ներկայացուցիչ, փախստականների հարցերի ուսումնասիրությամբ զբաղվող գիտնական Վալերիա Հենսելը նշել է, որ Թուրքիա-ԵՄ վերոնշյալ պայմանագիրը չպետք է հիմք դառնա այդ ոլորտում Եվրոպայի հետագա քաղաքականության համար։ Նրա խոսքով՝ այդ պայմանագրով մեծապես խախտվում են ապաստանի դիմում ներկայացրած ներգաղթյալների իրավունքները, բացի այդ՝ պայմանագիրը ցույց է տվել, որ որպես փախստականներ ընդունող երկիր՝ Թուրքիան ծայրաստիճան խնդրահարույց վայր է։
Հավելենք, որ առաջիկա շաբաթների ընթացքում Եվրամիրությունը մանրամասներ կհրապարակի «Փախստականների և ապաստանի մասին» օրենքի փոփոխությունների վերաբերյալ։ Իսկ հուլիսի 1-ից Եվրամիության նախագահությունը կստանձնի Գերմանիան։
Այս ենթաբաժնի վերջին նորությունները
Ուկրաինայի նախագահն անդրադարձել է ՌԴ նախագահի հետ հնարավոր հանդիպմանը՝ նշելով, որ առաջիկա 7–10 օրվա ընթացքում սպասում է անվտանգության երաշխիքների տրամադրմանը։
Գագաթնաժողովը կկայա 2026-ի հուլիսի 7-ից 8-ը՝ Թուրքիայի նախագահական համալիրում։
Հոդվածում անդրադարձ կա ռուս-ուկրիանական համակարտությանը և Ռուսաստան-Ադրբեջան հարաբերությունների ներկայիս փուլին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։
Աբդուլքադիր Ուրալօղլուն ելույթ է ունեցել Կարս-Իգդիր-Արալըք-Դիլուջու երկաթուղային գծի հիմնարկեքի արարողությանը։
Թուրքական «ORC Araştırma» հետազոտական ընկերությունը հրապարակել է սոցհարցման արդյունքները։
Անկարայի քաղաքապետարանի ջրի և կոյուղու վարչության տվյալներով՝ նախորդ տարվա համեմատ քաղաքի ջրամբարների լցվածությունը նվազել է 2 անգամ:
Ընդդիմադիր կուսակցապետը իշխող «Արդարություն և զարգացում կուսակցությանը» անվանել է «համակարգված չարիքի կազմակերպություն»:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |