Քաղաքական12:10, 18 Հունիս 2020
Ֆրանսիան Թուրքիային մեղադրում է Լիբիայում էմբարգոն խոչընդոտելու համար թշնամաբար գործելու մեջ
Ֆրանսիան մեղադրել է Թուրքիային, որ վերջինս խոչընդոտում է ՄԱԿ-ի կողմից Լիբիայի նկատմամբ զենքի էմբարգոյի (արգելանք) կիրառումը։ Միևնույն ժամանակ հայտնել է, որ էմբարգոն խոչընդոտելու համար Թուրքիայի նավատորմը դիմում է անընդունելի միջոցների ու թշնամաբար է գործում ՆԱՏՕ-ի դաշնակիցների դեմ։
Նշենք, որ վերջին ժամանակաշրջանում սրվել են թուրք-ֆրանսիական հարաբերությունները։ Դա կապված է Լիբիայում և Արևելյան Միջերկրական ծովում Թուրքիայի ապօրինի գործողությունների հետ։
Աղբյուրի հաղորդմամբ՝ այս շաբաթ տեղի կունենա ՆԱՏՕ-ի անդամ երկրների պաշտպանության նախարարների հանդիպումը, որը կապված է Անկարայի և Փարիզի միջև լարվածության սրման հետ։
Երկու երկրներն իրար մեղադրում են լիբիական պատերազմում հակառակ կողմերին սատարելու մեջ։
Ֆրանսիայի ԱԳՆ մամուլի խոսնակ Ագնես վոն դեր Մուհլը նախօրեին հայտարարել էր, որ մասնավորապես Թուրքիայի կողմից իրականացված էմբարգոյի խախտումները հիմնական խոչընդոտներն են Լիբիայում խաղաղության և կայունության պահպանման համար։
«Թուրքիայի աջակցությունը Լիբիայի ազգային համաձայնության կառավարության կողմից շարունակվող հարձակումներին ուղղակիորեն հակասում են հրադադարի հատատմանն ուղղված ջանքերին։ Այդ աջակցությունը զուգորդվում է Թուրքիայի ծովային ուժերի կողմից ՆԱՏՕ դաշնակիցներին ուղղված թշնամական և անընդունելի պահվածքով, քանի որ Թուրքիան նպատակ է հետապնդում խոչընդոտել ՄԱԿ-ի զենքի էմբարգոյի կիրառմանն ուղղված ջանքերը»,-ասել է նա։
Հիշեցնենք, որ Թուրքիան աջակցում է ՄԱԿ-ի կողմից ճանաչված Լիբիայի Ազգային համաձայնության կառավարությանը, իսկ արաբական երկրներից Սաուդիան Արաբիան, Եգիպտոսը, Արաբական Միացյալ Էմիրությունները` գեներալ Խալիֆա Հաֆթարի գլխավորած Լիբիայի ազգային բանակին:
2011-ին Լիբիայի առաջնորդ Մուամար Քադաֆիի սպանությունից հետո երկիրը դադարել էր լինել մեկ պետություն: Այժմ Լիբիայում տիրում է երկիշխանություն: Ժողովրդի կողմից ընտրված խորհրդարանն արևելքում է, իսկ արևմուտքում՝ մայրաքաղաք Տրիպոլիում, ՄԱԿ-ի և ԵՄ-ի աջակցությամբ ձևավորված կառավարությունը, որը ղեկավարում է Ֆայեզ Սարաջը: Երկրի արևելյան մասի իշխանությունները գործում են անկախ Տրիպոլիից և համագործակցում Հաֆթարի հետ:
Այս ենթաբաժնի վերջին նորությունները
Չավուշօղլուն տեղեկացրել է, որ թուրքական ու ռուսական կողմերը պայմանավորվել են շարունակել քննարկումները լիբիական հակամարտության կարգավորման ուղղությամբ։
Թուրքիայի ծայրահեղ ազգայնական «Մեծ միություն» կուսակցության նախագահն անդրադարձել է հայ-ադրբեջանական սահմանի լարվածությանն ու թուրք-ադրբեջանական համատեղ զորավարժություններին։
Ներկայիս Թուրքիայի Հանրապետության սահմանները մեծամասամբ որոշվել են հենց Լոզանի պայմանագրով, որը ստորագրվել է 1923թ. հուլիսի 24-ին և որի 100-ամյակը լրանալու է 2023 թվականի հուլիսի 24-ին։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիայի ծայրահեղ ազգայնական «Մեծ միություն» կուսակցության նախագահն անդրադարձել է հայ-ադրբեջանական սահմանի լարվածությանն ու թուրք-ադրբեջանական համատեղ զորավարժություններին։
Նման զորավարժությունների կազմակերպումը, ըստ թուրքական լրատվամիջոցի, կարևոր է թե բանակցային գործընթացում Ադրբեջանի դիրքերն ամրապնդելու առումով։
Վերջին 3 օրերին Թուրքիայում կրկին կորոնավիրուսի դեպքերի աստիճանական աճ է գրանցվում։
Թուրքիայի կառավարության՝ Ստամբուլյան կոնվենցիայից դուրս գալու հնարավորության մասին հայտարարությունից հետո երկրում պարբերաբար կանանց մասնակցությամբ բողոքի ակցիաներ են տեղի ունենում։
Ըստ պաշտոնական տվյալների` մինչև օրս արձանագրվել է վարակման 234․934 և մահվան 5․765 դեպք։
Օրացույց
Հարցումներ
Իդլիբի ճգնաժամի պատճառով կվատանա՞ն ռուս-թուրքական հարաբերությունները:
արտարժույթ
| EUR | TRY | USD |
| 549.84 | 90.05 | 485.12 |