Հունաստանի վարչապետ․ «Թուրքիան երազում է նոր Օսմանյան կայսրության մասին»

Քաղաքական16:45, 17 Հունիս 2020

Հունաստանի վարչապետ․ «Թուրքիան երազում է նոր Օսմանյան կայսրության մասին»

Հունաստանի վարչապետ Կիրիակոս Միցոտակիսը Իսրայել կատարելիք այցից առաջ լրագրողներին տված հարցազրույցում հայտնել է, որ Թուրքիան երազում է նոր օսմանյան կայսրության մասին և գործում է ինչպես Արևելյան Միջերկրական ծովի «քրեական հեղինակությունը» (թուրքերեն անվանումը՝ kabadayı- «գողական»)։

Միցոտակիսը Թուրքիայի վերաբերյալ հայտարարություններով է հանդես եկել նաև Իսրայելի վարչապետ Բենյամին Նեթանյահուի հետ հանդիպումից հետո։

Նրա խոսքով՝ ինքը Նեթանյահուին հայտնել է Թուրքիայի գործողությունների մասին, որոնք սպառնալիք են տարածաշրջանի կայունության և խաղաղության համար։

«Պատմեցի մեր ծովային և ցամաքային սահմաններում Թուրքիայի սադրիչ գործողությունների մասին։ Բացի այդ, երկար զրուցեցինք Լիբիայում Թուրքիայի ապակայունացնող քաղաքականությունից։ Մեզ համար անվավեր է ծովային իրավասությունների սահմանազատման վերաբերյալ թուրք-լիբիական համաձայնագիրը»,-ասել է Հունաստանի վարչապետը։

Նշվում է, որ Իսրայելի վարչապետը հանդիպման ավարտին Թուրքիայի մասին որևէ մեկնաբանությամբ հանդես չի եկել։ Սակայն ավելի ուշ հրապարակված համատեղ հայտարարությունում ասվել է․

«Իսրայելն իր աջակցությունն ու համերաշխությունն է հայտնում Հունաստանին՝ ծովային շրջանների առնչությամբ»։

Աղբյուր` sabah.com.tr

Այս ենթաբաժնի վերջին նորությունները

14:59, 22 օգոս

Թուրքիայում իշխող կուսակցությունն իր դիրքերը զիջում է ընդդիմադիր ուժին

Թուրքական «ORC Araştırma» հետազոտական ընկերությունը հրապարակել է սոցհարցման արդյունքները։

14:25, 22 օգոս

Գազայում բնակվող բժիշկն Էրդողանին մեղադրել է իրենց մոլորեցնելու մեջ

Ըստ Սահր Համադի՝ առկա իրավիճակը ծանր հարված է հասցնում Էրդողանի քաղաքական համբավին։

11:34, 22 օգոս

Middle East Eye. «Թուրքիան պատրաստակամ է խաղաղապահ ուժեր տեղակայել Ուկրաինայում»

Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։