Քաղաքական17:33, 16 Հունիս 2020
Reuters․Լավրովի ստամբուլյան այցի չեղարկման պատճառը Լիբիայում Թուրքիայի ու Ռուսաստանի հակասություններն են
Ռուսաստանի արտգործնախարար Սերգեյ Լավրովի հունիսի 14-ին Ստամբուլ նախատեսված այցը վերջին պահին չեղարկելու որոշումը կապված է Լիբիայում տեղի ունեցող զարգացումների հետ։ Այսպիսի պնդմամբ է հանդես եկել բրիտանական «Reuters» լրատվական գործակալությունը։
Բանն այն է, որ երկիշխանություն ունեցող Լիբիայում, Անկարան ու Մոսկվան աջակցում են իշխանության համար միմյանց դեմ զինված պայքար մղող հակառակ բևեռների։ Վերջին օրերին էլ Լիբիայի Ֆայես ալ-Սարաջի գլխավորած «Ազգային համաձայնության կառավարությունը», որին բացահայտ ռազմատեխնիկական աջակցություն է ցուցաբերում Թուրքիան, զգալի հաջողություններ է գրանցել գեներալ Խալիֆա Հաֆթարի գլխավորած «Լիբիայի ազգային բանակի» նկատմամբ, որին ըստ թուրքական կողմի պնդումների աջակցում է Ռուսաստանը։
Սարաջի հաջողությունները մարտադաշտում հնարավոր են դարձել գլխավորապես Թուրքիայի մատակարարած զինտեխնիկայի ու հատկապես թուրքական հարվածային ԱԹՍ-ների շնորհիվ։ Այս օրերին էլ Սարաջի զինված ուժերը թուրքական կողմի աջակցությամբ արդեն 1 շաբաթ է՝ նախապատրաստություններ է սկսել ստրատեգիական կարևոր նշանակություն ունեցող Սիրթ շրջանը գրավելու համար։
Անունը չբացահայտված մի թուրք պաշտոնյայի՝ գործակալությանը տված մեկնաբանության մեջ ասվում է, որ Լավրովի այցի ժամանակ արդեն 2 երկրների տեխնիկական պատվիրակությունները պետք է բանակցությունների արդյունքում վերջնական համաձայնության եկած լինեին։ Սակայն այդ համաձայնությունը դեռև ձեռք չի բերվել, այդ պատճառով էլ չի կայացել ՌԴ ԱԳ նախարարի այցը։
«Այս պահին բանակցությունները շարունակվում են։ Պատվիրակությունները աշխատում են տեխնիկական հարցերի շուրջ համաձայնության գալ, որպեսզի հնարավոր լինի 2 նախարարների հանդիպումն ու համաձայնության մասին հայտարարությունը։ Սակայն այդ մակարդակի դեռ չեն հասել։ Հանդիպման հետաձգման գլխավոր պատճառներից մեկը Սիրթը գրավելու նախապատրաստություններն են»,- ասել է թուրք պաշտոնյան։
Այս ենթաբաժնի վերջին նորությունները
Համաձայնագրերը վերաբերում են ֆիլմերի, մուլտիմեդիայի, կրթության ինչպես նաև ֆինանսական և ռազմական ոլորտների համագործակցությանը:
Համապատասխան հայտարարությունը տարածվել է Թուրքիայի արտգործնախարարության կողմից:
Թուրքիայի արտգործնախարար Հաքան Ֆիդանը Սիրիայի ժամանակավոր կառավարության նախագահ Ահմեդ ալ-Շարայի հետ հանդիպումից հետո սոցցանցյան գրառում է կատարել:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ըստ Թուրքիայի ԱԳՆ-ի` ստեղծվել է պատմական հնարավորություն Հարավային Կովկասում խաղաղություն և բարգավաճում բերելու համար։
Թուրքիայի նախագահը նշել է, որ գոհացուցիչ է այն առաջընթացը, որն ապահովվել է Ադրբեջանի և ՀՀ-ի միջև խաղաղության ճանապարհին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |