Թուրքիան վերաբացում է օդային սահմանը Իրանի հետ

Տարածաշրջան16:02, 15 Հունիս 2020

Թուրքիան վերաբացում է օդային սահմանը Իրանի հետ

Թուրքիան պատրաստվում է վերսկսել կորոնավիրուսի համավարակի պատճառով դադարեցված ավիահաղորդակցությունն Իրանի հետ։

Իրանի արտգործնախարար Մուհամմադ Ջավադ Զարիֆի հետ Ստամբուլում կայացած հանդիպումից հետո կազմակերպված համատեղ մամուլի ասուլիսի ժամանակ այդ մասին հայտնել է Թուրքիայի արտգործնախարար Մևլութ Չավուշօղլուն։

Չավուշօղլուն նշել է, որ հանդիպման ընթացքում երկկողմ հարաբերությունների քննարկման շրջանակներում անդրադարձ է կատարվել նաև միջպետական սահմանների վերաբացման խնդրին։

Ավիահաղորդակցության վերսկսումը նախատեսվում է օգոստոսի 1-ից։ Չավուշօղլուն հայտնել է նաև, որ Սիրիայի հարցով հաջորդ եռակողմ հանդիպումը տեղի կունենա Իրանում։

Հիշեցնենք, որ Իրանը կորոնավիրուսի համավարակից ամենից շատ տուժած երկրների ցանկում է։ Մինչ օրս Իրանում կորոնավիրուսից մահացել է 8․950 մարդ, հաստատված դեպքերի թիվը հասել է 189․876-ի։ Ներկայումս դեռևս ամեն օր երկրում վարակվածության հազարավոր նոր դեպքեր են արձանագրվում։

Աղբյուր` t24.com.tr

Այս ենթաբաժնի վերջին նորությունները

16:10, 02 հուլ

2025-ի 1-ին 5 ամսում Թուրքիայից Իսրայել արտահանման ծավալը կազմել է մոտ 394 մլն դոլար

«Հռետորաբանությունը՝ պատրվակ, իսկ առևտուրը՝ փառահեղ»,- գրել է թուրք տնտեսագետ Ինան Մութլուն։

12:20, 02 հուլ

Թուրքիան մտադիր է դառնալ տվյալների բազայի ռեգիոնալ կենտրոն

Թուրքիայի թվային ենթակառուցվածքները կվերաձևավորվեն համաշխարհային մրցակցությանը համապատասխան։

15:09, 01 հուլ

Թուրքիայում 5 օրում բռնկվել է 342 անտառային հրդեհ

Թուրքիայի գյուղատնտեսության և անտառտնտեսության նախարարը նշել է, որ առաջիկա օրերին ջերմաստիճանն ավելի է բարձրանալու ու հորդորել է պահպանել զգոնություն և կրակ չվառել։