Հասարակական09:40, 03 Հունիս 2020
Բագրատ Էստուկյան. «Մեկ ամսվա մեջ 2 անգամ եկեղեցու դեմ հարձակում է իրականացվում»
Թուրքիայում լույս տեսնող «Ակոս» հայկական շաբաթաթերթի հայերեն բաժնի խմբագիր, հայ համայնքի շրջանակներում ճանաչված հասարակական գործիչ Բագրատ Էստուկյանն անդրադարձել է վերջերս Ստամբուլում ատելության հողի վրա իրականացվող հարձակումներին։
Մասնավորապես հայկական եկեղեցիների նկատմամբ իրականացվող վանդալիստական բնույթ կրող հարձակումներին, ինչպես նաև «Հրանտ Դինք» հիմնադրամին ուղղված սպառնալիքներին անդրադառնալով՝ Բագրատ Էստուկյանն ընդգծել է, որ երկրում առկա ընդհանուր մթնոլորտը հող է նախապատրաստում նմանատիպ հարձակումների և սպառնալիքների համար։
Ատելության հողի վրա իրականացվող հարձակումներն ու սպառնալիքները Էստուկյանի դիտարկմամբ իշխանությունների կողմից թշնամանք սերմանող արտահայտությունների և խոսքերի ուղղակի հետևանքն են։
«Մեկ ամսվա մեջ 2 անգամ եկեղեցու դեմ հարձակում է իրականացվում։ Դրանից հետո «Հրանտ Դինք» հիմնադրամի հասցեին սպառնալիքներ են հնչում։ Սրանք շատ մտահոգիչ երևույթներ են, բայց զարմանալի չեն, որովհետև երկրում առկա մթնոլորտն այս ամենի համար նպաստավոր հող է ստեղծում»,- նշել է Էստուկյանը։
Նա ուշադրություն է հրավիրել նաև այն հանգամաքի վրա, որ արդեն տարիների ի վեր շարունակվող Դինքի սպանության դատավարության ընթացքում «սպանի՛ր» հրաման տվողներն այդպես էլ չբացահայտվեցին, չդատապարտվեցին և հետևաբար որևէ բան չի փոխվել։
Էստուկյանը շեշտել է, որ անդադար հնչող սպառնալիքներից գուցե երկուսը, երեքը լուրջ վտանգ չեն պարունակում, բայց չորրորդը անպայման ծառայելու է իր նպատակին։
Թուրքիայի ընդդիմադիր քրդամետ «Ժողովուրդների դեմոկրատական կուսակցության» (ԺԴԿ-HDP) Դիարբեքիրից ընտրված հայ պատգամավոր Կարո Փայլանն էլ նշել էր, որ այս ամենը դիտարկում է որպես հասարակության ինքնադրսևորում։ Նմանատիպ հանցագործություններ իրականացնողներն իրականում խամաճիկներ են և ըստ Փայլանի՝ ատելության այս քարոզը իրականում տարվում է հենց թուրքական իշխանությունների կողմից։
Այս ենթաբաժնի վերջին նորությունները
Հուլիսի 8-ին Վանի նահանգապետարանը հայտարարել էր, որ հայտնաբերվել է լճում խորտակված նավի վայրը. նավը խորտակվել է 107մ խորության վրա։
Թուրքիայում մինչև այժմ ընդհանուր առմամբ արձանագրվել է վարակման 209․962 և մահվան 5․300 դեպք։
Նշենք, որ Թուրքիայի քաղաքացիները մտավախություններ ունեն երկրում սոցցանցերի և Netflix, Amazon Prime, Puhu TV, Blu TV հարթակների հասանելիության կասեցման շուրջ։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Այսպիսով, տաճարը կրկին մզկիթի վերածելու համար այլևս ոչ մի իրավական արգելք չկա։
Սերթչելիքը 2020-ին արդեն մի քանի անգամ Թուրքիայի տարբեր նահանգներում նմանատիպ կոնֆերանսներ կամ դասախոսություններ է կազմակերպել։
Կազմակերպությունից նշել են, որ այդպիսի օբյեկտներում ցանկացած փոփոխություն կատարելու համար պետությունը նախ պիտի ծանուցում ուղարկի UNESCO-ին։
Հուլիսի 8-ին Վանի նահանգապետարանը հայտարարել էր, որ հայտնաբերվել է լճում խորտակված նավի վայրը. նավը խորտակվել է 107մ խորության վրա։
Թուրքիայում մինչև այժմ ընդհանուր առմամբ արձանագրվել է վարակման 209․962 և մահվան 5․300 դեպք։
Օրացույց
Հարցումներ
Իդլիբի ճգնաժամի պատճառով կվատանա՞ն ռուս-թուրքական հարաբերությունները:
արտարժույթ
| EUR | TRY | USD |
| 549.84 | 90.05 | 485.12 |