Հասարակական12:53, 01 Հունիս 2020
Ստամբուլի քաղաքապետն այցելել է վերջերս հարձակման ենթարկված հայկական եկեղեցի
Թուրքիայի գլխավոր ընդդիմադիր ուժ համարվող «Ժողովրդահանրապետական» կուսակցությունից ընտրված Ստամբուլի քաղաքապետ Էքրեմ Իմամօղլուն այցելել է Սկյուտար շրջանի Քուզգունջուք թաղամասում գտնվող հայկական Սբ. Գրիգոր Լուսավորիչ եկեղեցի, որն օրեր առաջ հարձակման էր ենթարկվել։
Ինչպես ավելի վաղ տեղեկացրել էինք, օրեր առաջ անհայտ անձը վայրագորեն պոկել ու մայթին էր նետել եկեղեցու մուտքի դարպասների վրայի խաչը։ Ատելության հողի վրա իրականացված հարձակման պահն արձանագրել էին եկեղեցու անվտանգության տեսախցիկները։
Իմամօղլուի հետ եկեղեցի է այցելել նաև Ստամբուլի Սկյուտար շրջանի համայնքապետ Հիլմի Թյուրքմենը։
Ինչպես փոխանցում է թուրքական աղբյուրը, նրանք եկեղեցում դեպքի մասին տեղեկություն են ստացել եկեղեցու հիմնադրամի ղեկավար Էդվարդ Այվազյանից։
Այվազյանը հայտնել է, որ պոկված խաչի փոխարեն նորն են տեղադրել։
Ստամբուլի քաղաքապետը նշել է, որ ցավում է կատարվածի համար։
«Աղոթեք մեզ համար, աղոթեք մեր առողջության, մեր հաջողությունների և այս քաղաքի գեղեցկության համար։ Ձեր համայնքի բոլոր անդամներին փոխանցեք մեր սերն ու հարգանքը։ Հարձակում, որը կատարվել է սրբավայրի նկատմամբ, ո՛ր կրոնին էլ, որ պատկանի, կատարվել է բոլորիս դեմ»,-ասել է Իմամօղլուն՝ Այվազյանին։
Այս ենթաբաժնի վերջին նորությունները
Երկու երկրների միջև թռիչքները դադարեցվել Էին ապրիլի 15-ից՝ կորոնավիրուսի թվերի աճման պատճառով։
Ընդհանուր առմամբ տաբատի պատրաստման համար ծախսվել է 4.500 շվեյցարական ֆրանկ (4.900դոլար):
Թուրքիայի Բողազիչի համալսարանի Քանդիլի դիտակայանի երկրաշարժերի ուսումնասիրության ինստիտուտի գնահատմամբ երկրաշարժը եղել է 5․5 բալ։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Թուրքիայի արտգործնախարարը երիտասարդների հետ հանդիպման ժամանակ պատմել է, թե ինչու և ինչպես է դարձել դիվանագետ։
Նշվում է, որ որ այդ նախկին նախարարի՝ Օղուզհան Ասիլթյուրքի իրական անուն-ազգանունը Դուրմուշ Դուրդույան է,
Օրեր առաջ այցելելով Բաքու՝ Թուրքիայի նախագահ Ռեջեփ Էրդողանը հայտարարել էր, որ չի բացառում Ադրբեջանի տարածքում թուրքական ռազմաբազայի հիմնումը։
Սահմանափակման պատճառը հնարավոր ռազմական գործողություններն են։
«Շուշիի հռչակագրով մեր հարաբերություններում նոր շրջան ենք բացել: Այդ հռչակագրի շրջանակներում շատ մոտ ապագայում Թուրքիան ու Ադրբեջանը մի շարք պայմանագրեր կստորագրեն»։
Օրացույց
արտարժույթ
| EUR | TRY | USD |
| 549.84 | 90.05 | 485.12 |