Հասարակական10:30, 26 Մայիս 2020
Նիդերլանդների եկեղեցիներից մեկում թուրքական երգ է հնչեցվել (տեսանյութ)
Նիդերլանդների Ռոտերդամ քաղաքի «Մեծ կամ Սուրբ Լոուրենս եկեղեցում» զանգերի ղողանջների համակցությամբ բարձրախոսներով հնչեցրել են թուրք հայտնի երգիչ Աշըք (աշուղ) Վեյսելի «Երկար-բարակ ճանապարհին եմ» (Uzun İnce Bir Yoldayım) երգը։
Քաղաքի բնակիչներից մեկն այն տեսաձայնագրել և տեղադրել է համացանցում, որը լրատվամիջոցների և սոցցանցերի քննարկման առարկա է դարձել։
Ռոտերդամում «Թուրքերի համար խորհրդատվական խորհուրդի» (IOT) նախագահ Զեքի Բարանը BBC-ի թուրքական ծառայության հետ զրույցում հայտնել է, որ եկեղեցում թուրքական երգը միացվել է, որպեսզի կորոնավիրուսի համավարակի շրջանում ոգևորի քաղաքի բնակչությանը և տարբեր մշակույթներ կրող անձանց ներգրավի շփման մեջ։
Զեքի Բարանը, որը նախկինում եղել է նաև Ռոտերդամի ավագանու անդամ, նշել է, որ քաղաքի բնակչության կեսից ավելին կազմում են փախստականները։ Նա կորոնավիրուսը կրկին պատճառ բերելով՝ հիշեցրել է, որ վերջերս Ռոտերդամի պողոտաներում Ղուրանից և այլ սուրբ գրքերից մեջբերումներ պարունակող պաստառներ են փակցվել։
Բարանն ասել է նաև, որ Սուրբ Լոուրենս եկեղեցին մինչ այս դեպքը տարբեր մշակութային երգեր է հնչեցրել։ Նրա խոսքով՝ թուրքական այդ երգը, որը գրեթե գիտի քաղաքի թուրք փախստակններից բոլորը մեծ բավականություն է պատճառել վերջիններիս։
Նշենք, որ Սուրբ Լոուրենս եկեղեցին կառուցվել է 1350թ․։
Հիշեցնենք, որ մայիսի 20-ին և 21-ին Թուրքիայի Իզմիր նահանգի մզկիթներում բարձրախոսներով ազանի (աղոթքի կանչ) ձայնի փոխարեն հնչեցվել էին իտալական հայտնի ժողովրդական «Bella ciao» երգը (թրգմ․ Մնաս բարով գեղեցկուհի) և թուրք երգչուհի Սելդա Բաղջանի երգերից մեկը։ Այս ամենը հիստերիայի ալիք էր բարձրացրել մոլեռանդ մուսուլմանական շրջանակների մոտ, թուրքական մամուլում, և քննարկման առարկա դարձել սոցցանցերում։ Դեպքը համընկել էր իսլամական պահքի` Ռամադան ամսվա հետ։
Այս ենթաբաժնի վերջին նորությունները
Նշենք նաև, որ թեմայի շուրջ հայտարարություններ է կատարել նաև Թուրքիայի խորհրդարանում երկու պատգամավորով ներկայացված, ձախակողմյան «Ժողովրդացարական շրջաններ» կուսակցությունը։
Թուրքիայում ՌԴ դեսպանատունն արդեն դիմել է ավիաընկերության ղեկավարությանը պարզաբանումների ստանալու համար։
«Թուրքիայի վիճակագրական ինստիտուտի» տվյալների համաձայն՝ նրանց թիվն ավելին քան 22 մլն է:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
«Պաշտոնական Անկարան ձգտում է ակնհայտորեն լճացած գործընթացի միջոցով հնարավորինս նվազեցնել Մեծ Եղեռնի ազդեցության քաղաքական բաղադրիչը»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |