ԱԶԿ խոսնակն անդրադարձել է Իզմիրում մզկիթների հետ կապված սկանդալային դեպքին

Հասարակական11:38, 22 Մայիս 2020

ԱԶԿ խոսնակն անդրադարձել է Իզմիրում մզկիթների հետ կապված սկանդալային դեպքին

Թուրքիայի իշխող «Արդարություն և զարգացում» կուսակցության (ԱԶԿ-AKP) խոսնակ Օմեր Չելիքն անդրադարձել է Իզմիր քաղաքում տեղի ունեցած միջադեպին։

Ինչպես արդեն տեղեկացրել էինք, մայիսի 20-ին Թուրքիայի Իզմիր քաղաքի որոշ մզկիթների բարձրախոսներով ազանի (աղոթքի կանչ) ձայնի փոխարեն հնչել է իտալական հայտնի ժողովրդական «Bella ciao» երգը (թրգմ․ Մնաս բարով գեղեցկուհի)։

Այս իրադարձությունը, բնականաբար, աննկատ չէր անցել՝ մանավանդ մոլեռանդ մուսուլման հավատավորների և պահպանողական հատվածի համար։

Այս առթիվ հայտարարությամբ է հանդես եկել իշխող կուսակցությունն ի դեմս կուսակցության խոսնակ Օմեր Չելիքի։

Չելիքը մասնավորապես նշել է, որ նրանք, ովքեր կատարել են այդ անհարգալից արարքը, ատելություն սերմանելու և կրքեր բորբոքելու նպատակ են հետապնդել։

Խոսնակը նաև հույս է հայտնել, որ Իզմիրը տուրք չի տա ատելությանը, որովհետև ըստ Չելիքի՝ այնտեղ, որտեղ ազան է հնչում ատելությունը տեղ չունի։

Այս ենթաբաժնի վերջին նորությունները

14:53, 13 մայ

Հնդիկ վաճառականները կրպակներից հեռացնում են թուրքական ապրանքները (Տեսանյութ)

Ի պատասխան Պակիստանին ցուցաբերած ակնհայտ աջակցության՝ հնդիկները բոյկոտ են սկսել Թուրքիայի դեմ:

12:20, 13 մայ

Թուրքիայում ծնելիության ցուցանիշը նվազում է

Թուրքիայի վիճակագրական ծառայությունը (TÜİK) հրապարակել է 2024 թվականի ծնելիության տվյալները։

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։