Քաղաքական14:30, 22 Մայիս 2020
Թուրքական աղբյուրի պնդմամբ` Իսրայելը ցանկանում է համագործակցել Թուրքիայի հետ
Թուրքական իշխանամետ «Յենիշաֆաք» թերթը պնդում է, որ Իսրայելը կորոնավիրուսային իրավիճակն օգտագործում է Թուրքիայի հետ հարաբերությունները բարելավելու և դիվանագիտական հարաբերությունները գործերի ժամանակավոր հավատարմատարի մակարդակից արտակարգ և լիազոր դեսպանության մակարդակի հասցնելու համար։
Նշվում է, որ Իսրայելի նման դիրքորոշումը կապված է Արևելյան Միջերկրական ծովում և Մերձավոր Արևելքում Թուրքիայի գորոծողությունների հետ։
Անկարայում Իսրայելի գործերի ժամանակավոր հավատարմատար Ռոեյ Գիլադը լրատվամիջոցներից մեկում հոդված է հրապարակել «Թուրքիայի և Իսրայելի Իդլիբի, այդ թվում՝ կորոնավիրուսի շուրջ համատեղ շահերը» վերնագրով։
«Իդլիբում պատերազմը բացահայտեց աշխարհաքաղաքական որոշ կարևոր ճշմարտություններ։ Դրանցից մեկն այն է, որ Իրանի ներկայությունը Սիրիայում հակադրվում է թուրքական շահերին»,-գրել է Գիլադը։
Նա իրանցի զինյալներին մեղադրել է, որ մեծ դեր են խաղացել Իդլիբում տեղի ունեցած գործողություններում, որի ժամանակ թուրքական բանակի 50 զինվոր է սպանվել։
Գիլադը թուրք-իսրայելական հարաբերություններում առկա իրավիճակը պայմանավորում է քաղաքական երկխոսության պակասի և մեգաֆոնային դիվանագիտության աճի հետ։
Թուրքական աղբյուրը ուշադրություն է հրավիրել նաև այն հանգամանքին, որ Իսրայելը չի ստորագրել մայիսի 12-ին Արևելյան Միջերկրական ծովում Թուրքիայի գորոծողությունները դատապարտող Եգիպտոսի, Արաբական Միացյալ Էմիրությունների, Հունաստանի, Կիպրոսի և Ֆրանսիայի համատեղ հայտարարության տակ։
Հիշեցնենք, որ մայիսի 7-ին Իսրայելի կառավարության Twitter միկրոբլոգի պաշտոնական էջում Թուրքիայի հետ դիվանագիտական հարաբերությունների վերաբերյալ գրառում է արվել։
Այս ենթաբաժնի վերջին նորությունները
Ըստ Քեմալ Օզքիրազի՝ Թուրքիայի կառավարությունում որոշ փոփոխություններ է լինելու։
Թրամփը հիշեցրել է, որ երբ ԱՄՆ-ն իր զորքերը հետ է քաշել թուրք-սիրիական սահմանից, բոլորն այդ քայլը սարսափելի են որակել։
Թուրքիան Հունաստանին մեղադրում է սահմանի Ֆերրե Քուփյուրյու հատվածում մետաղալարե ցանկապատի կառուցման աշխատանքների ժամանակ «դաշնագրով սահմանված ցամաքային սահմանը խախտելու մեջ»։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ատելության հողի վրա իրականացված հարձակման պահը ֆիքսել են եկեղեցու տեսախցիկները։
Թուրք ոստիկան. «Մենք հույն ոստիկա՞ն ենք, ինչ է, ինչու՞ պիտի երեխաները մեզանից վախենան»։
Տարբեր մարդկանցից խաբեությամբ ավելի քան 1 մլն թուրքական լիրա (մոտ 150 հզ դոլար) շորթած կնոջը հաջողվում էր հետքերը կորցնել անընդհատ բնակության վայրը փոխելու միջոցով։
Թրամփը հիշեցրել է, որ երբ ԱՄՆ-ն իր զորքերը հետ է քաշել թուրք-սիրիական սահմանից, բոլորն այդ քայլը սարսափելի են որակել։
Ըստ Քեմալ Օզքիրազի՝ Թուրքիայի կառավարությունում որոշ փոփոխություններ է լինելու։
Օրացույց
Հարցումներ
Իդլիբի ճգնաժամի պատճառով կվատանա՞ն ռուս-թուրքական հարաբերությունները:
արտարժույթ
| EUR | TRY | USD |
| 549.84 | 90.05 | 485.12 |