Քաղաքական11:52, 21 Մայիս 2020
Դավութօղլուն պատմել է տարիներ առաջ Սիրիայի նախագահի հետ իր հանդիպման մասին
Թուրքիայի նախկին արգործնախարար, վարչապետ, նորաստեղծ «Ապագա» կուսակցության ղեկավար Ահմեթ Դավութօղլուն թուրք լրագրող Ջյունեյթ Օզդեմիրի յութուբյան ալիքի եթերում անդրադարձել է տարիներ առաջ Սիրիայի նախագահ Բաշար ալ-Ասադի հետ իր հանդիպմանը։
Նշենք, որ ավելի վաղ թուրքական լրատվամիջոցներում հակասական լուրեր էին տարածվել Դավութօղլուի՝ արտգործնախարար լինելու ժամանակ Սիրիայի նախագահի հետ ունեցած հանդիպումների վերաբերյալ, որոնց կապակցությամբ նա պարզաբանումներով է հանդես եկել։
Դավութօղլուն հայտնել է, որ 2012թ․ հունվար-օգոստոս ամիսներին բազմաթիվ անգամ Սիրիա է այցելել, որոնց ընթացքում այդ ժամանակվա Թուրքիայի նախագահ Աբդուլլահ Գյուլի և վարչապետ Ռեջեփ Թայիփ Էրդողանի հետ փորձել են Ասադին համոզել, որ Սիրիայում մի փոքր բարեփոխումներ անի։
Այնուհետև Դավութօղլուն եթերում պատմել է Ասադի հետ 2012թ․ օգոստոսին տեղի ունեցած հանդիպման մասին։
Նրա փոխանցմամբ՝ այդ հանդիպումը տևել է ավելի քան 6 ժամ, որից 3 ժամը առանձնազրույց է եղել իրենց միջև։
«Ես մի նպատակ ունեի, որը հետևյալն էր․ «Եգիպտոսում տապալվեց ռեժիմը, Լիբիայում, Թունիսում՝ նույնպես։ Սիրիայում մենք քո կողքին ենք։ Մի քանի փոքր բարեփոխումներ արա։ Այս իրավիճակը հաղթահարիր։ Այս ժողովուրդը (Սիրիայի) քեզ սիրում է»,- ահա այսպիսի երաշխիքներ տվեցինք»,-ասել է Դավութօղլուն։
Նրա փոխանցմամբ՝ այդ հանդիպման մասին կա պետական արխիվներում և ոչինչ գաղտնի չէ։
Այս ենթաբաժնի վերջին նորությունները
Ըստ Քեմալ Օզքիրազի՝ Թուրքիայի կառավարությունում որոշ փոփոխություններ է լինելու։
Թրամփը հիշեցրել է, որ երբ ԱՄՆ-ն իր զորքերը հետ է քաշել թուրք-սիրիական սահմանից, բոլորն այդ քայլը սարսափելի են որակել։
Թուրքիան Հունաստանին մեղադրում է սահմանի Ֆերրե Քուփյուրյու հատվածում մետաղալարե ցանկապատի կառուցման աշխատանքների ժամանակ «դաշնագրով սահմանված ցամաքային սահմանը խախտելու մեջ»։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ատելության հողի վրա իրականացված հարձակման պահը ֆիքսել են եկեղեցու տեսախցիկները։
Թուրք ոստիկան. «Մենք հույն ոստիկա՞ն ենք, ինչ է, ինչու՞ պիտի երեխաները մեզանից վախենան»։
Տարբեր մարդկանցից խաբեությամբ ավելի քան 1 մլն թուրքական լիրա (մոտ 150 հզ դոլար) շորթած կնոջը հաջողվում էր հետքերը կորցնել անընդհատ բնակության վայրը փոխելու միջոցով։
Ըստ Քեմալ Օզքիրազի՝ Թուրքիայի կառավարությունում որոշ փոփոխություններ է լինելու։
Թուրքիան Հունաստանին մեղադրում է սահմանի Ֆերրե Քուփյուրյու հատվածում մետաղալարե ցանկապատի կառուցման աշխատանքների ժամանակ «դաշնագրով սահմանված ցամաքային սահմանը խախտելու մեջ»։
Օրացույց
Հարցումներ
Իդլիբի ճգնաժամի պատճառով կվատանա՞ն ռուս-թուրքական հարաբերությունները:
արտարժույթ
| EUR | TRY | USD |
| 549.84 | 90.05 | 485.12 |