Թուրքիայի պետական հեռուստաընկերությունը խառնել է պետական տոները

Հասարակական10:51, 20 Մայիս 2020

Թուրքիայի պետական հեռուստաընկերությունը խառնել է պետական տոները

Երեկ՝ մայիսի 19-ին, սկանդալ է գրանցվել թուրքական պետական «TRT Haber» լրատվական ուղղվածություն ունեցող հեռուստաընկերության հաղորդումներից մեկի ժամանակ։

«Երեկ-այսօր» խորագրով ծրագրի ժամանակ հաղորդավարուհին խոսել է մայիսի 19-ին Թուրքիայի Հանրապետության հիմնադիր Մուստաֆա Քեմալ Աթաթուրքի հիշատակի և երիտասարդության ու սպորտի օրվա մասին։ Այդ ընթացքում, սակայն, էկրանին գրվել է «Մայիսի 19-Հանրապետության տոն»։

Պետական հեռուստաընկերության եթերում այս 2 պետական տոները շփոթելը մեծ աղմուկ է բարձրացրել սոցիալական ցանցերում։ Ավելի ուշ պարզվել է, որ նույն «շփոթմունքը» եղել է հեռուստաընկերության մեկ այլ հաղորդման ժամանակ ևս։

Բարձրացած աղմուկից հետո «TRT Haber»-ը Twitter-ի պաշտոնական միկրոբլոգում ներողություն է խնդրել Թուրքիայի հասարակությունից։

Հաղորդվում է նաև, որ դեպքի առիթով հետաքննություն է սկսվել։

Աղբյուր` Yenicaggazetesi.com.tr

Այս ենթաբաժնի վերջին նորությունները

14:53, 13 մայ

Հնդիկ վաճառականները կրպակներից հեռացնում են թուրքական ապրանքները (Տեսանյութ)

Ի պատասխան Պակիստանին ցուցաբերած ակնհայտ աջակցության՝ հնդիկները բոյկոտ են սկսել Թուրքիայի դեմ:

12:20, 13 մայ

Թուրքիայում ծնելիության ցուցանիշը նվազում է

Թուրքիայի վիճակագրական ծառայությունը (TÜİK) հրապարակել է 2024 թվականի ծնելիության տվյալները։

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։