Թուրքիայում իշխող կուսակցության անդամի կազմակերպությունը 4 տարում 130 պետական մրցույթ է «հաղթել»

Իրավական12:04, 20 Մայիս 2020

Թուրքիայում իշխող կուսակցության անդամի կազմակերպությունը 4 տարում 130 պետական մրցույթ է «հաղթել»

Թուրքիայի ֆինանսների ու գանձապետարանի նախարարության կազմում գտնվող պետական մատակարարումների գրասենյակի Գազիանթեփի (պատմ․՝ Այնթապ) նահանգային վարչության հայտարարած բոլոր մրցույթներում 2015-2019թթ․ հաղթել է նույն կազմակերպությունը։

Վերջերս հայտնի է դարձել, որ մրցույթներում անդադար հաղթող ճանաչված կազմակերպության մի մասը պատկանում է Թուրքիայի նախագահ Ռեջեփ Թայիփ Էրդողանի գլխավորած իշխող «Արդարություն և զարգացում» կուսակցության Գազիանթեփի տարածքային կառույցի գործադիր մարմնի անդամ Ալի Ունջուօղլուին։

Նշվում է, որ գնումների բոլոր մրցույթներն անցկացվել են արտակարգ «հրավերի» եղանակով, որը նախատեսված է բացառիկ դեպքերի համար։ «Բացառիկ» մրցույթների միակ հրավիրյալն էլ եղել է Էրդողանի կուսակցի «Arge Grup» ընկերությունը։ Նշվում է, որ մրցույթների ընդհանուր արժեքը գերազանցել է 10մլն թուրքական լիրան (մոտ 1,5 մլն դոլար)։

Աղբյուր` Diken

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։