Իրավական13:17, 18 Մայիս 2020
Թուրքիայում 16 ամսում 4 ընդդիմադիր հեռուստաալիք տուգանվել է 1․6 մլն դոլարով
Թուրքիայում 2019-ի հունվարից մինչև 2020-ի մայիսի 15-ն ընկած ժամանակահատվածում 4 ընդդիմադիր հեռուստաալիք Ռադիոյի և հեռուստատեսության բարձրագույն խորհրդի (ՌՀԲԽ) կողմից ընդհանուր առմամբ տուգանվել է 11 մլն լիրայով (1.6 մլն դոլար)։
Սահմանված տուգանքները զեկույցի տեսքով ներկայացրել է ՌՀԲԽ-ի անդամ Իլհան Թաշչըն։ Ըստ զեկույցի՝ տույժերը կիրառվել են հիմնականում քաղաքական հաղորդումների ու լուրերի ծրագրերի վրա և բացի ֆինանսականից կիրառվել են նաև այլ «պատիժներ»։ Օրինակ Թուրքիայի Fox TV հեռուստաալիքով հայտնի հաղորդավար Ֆաթիհ Փորթաքալի վարած լուրերի ծրագիրը 3 անգամ զրկվել է հերթական հեռարձակումից։
Նույն պատիժը կիրառվել է տարբեր հետուստաալիքների 12 հաղորդաշարերի դեպքում։
Զեկույցից միաժամանակ պարզ է դարձել, որ իշխանամետ հեռուստաալիքները շատ ավելի մեղմ վերաբերմունքի են արժանանում Թուրքիայի Ռադիոյի և հեռուստատեսության բարձրագույն խորհրդի կողմից։ Օրինակ իշխանության հետ սերտ հարաբերություններ ունեցող ATV և Ulke TV հեռուստաաալիքները նույն ժամանակահատվածում ստացել են մեկական զգուշացում TGRT-ն մեկ ֆինանսական տույժ, իսկ TV Net, Kanal 7, A Haber ալիքներն ընդհանրապես տույժի չեն ենթարկվել։
ՌՀԲԽ-ի անդամ Թաշչըն, մեկնաբանելով իր կազմած զեկույցը, ասել է, որ իշխանությունները խորհուրդը որպես մահակ են օգտագործում։ Ըստ Թաշչըի՝ իշխանությունները մտածում են, որ տույժերով կարող են լռեցնել իրենց անհանգստություն պատճառող հեռուստաալիքներին և ամբողջ թափով կիրառում են այդ մեխանիզմը։
Այս ենթաբաժնի վերջին նորությունները
Թուրքիայի նավահանգիստ այցելող նավերից կպահանջվեն փաստաթղթեր, որոնցում նշված կլինի, որ նրանք ռազմական բեռներ չեն տեղափոխում Իսրայել։
Օզգյուր Օզելը մեղադրվում է Թուրքիայի նախագահին վիրավորելու մեջ:
Միջադեպը տեղի է ունեցել օգոստոսի 11-ին, երբ ընտանիքը վերադառնում էր ճամփորդությունից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։
Աբդուլքադիր Ուրալօղլուն ելույթ է ունեցել Կարս-Իգդիր-Արալըք-Դիլուջու երկաթուղային գծի հիմնարկեքի արարողությանը։
Թուրքական «ORC Araştırma» հետազոտական ընկերությունը հրապարակել է սոցհարցման արդյունքները։
Անկարայի քաղաքապետարանի ջրի և կոյուղու վարչության տվյալներով՝ նախորդ տարվա համեմատ քաղաքի ջրամբարների լցվածությունը նվազել է 2 անգամ:
Ընդդիմադիր կուսակցապետը իշխող «Արդարություն և զարգացում կուսակցությանը» անվանել է «համակարգված չարիքի կազմակերպություն»:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |