Իրավական16:59, 15 Մայիս 2020
Թուրքիայում HDP-ական ՏԻՄ առաջնորդները ձերբակալվել են, 5 համայնքում հոգաբարձուներ են նշանակվել
Թուրքիայի ներքին գործերի նախարարությունը համավարակի պայմաններում անգամ շարունակում է քրդական քաղաքապետարաններում հոգաբարձուներ (պետական կառավարիչներ) նշանակել։ Իգդիր, Սիիրթ, Քուրթալան, Բայքան և Ալթընովա բնակավայրերում ընդդիմադիր քրդամետ «Ժողովուրդների դեմոկրատական» կուսակցությունը (ԺԴԿ-HDP) ներկայացնող ՏԻՄ ղեկավարները պաշտոնանկ են արվել։
Իգդիրի քաղաքապետ Յաշար Աքքուշը, Սիիրթի համայնքապետ Բերիվան Հելեն Ըշըքը, Սիիրթի Բայքան շրջանի համայնքապետ Ռամազան Սարսըլմազը և Քուրթալան շրրջանի համայնքապետ Բարան Աքգյուլը, ինչպես նաև՝ Մուշի Քորքութ շրջանի Ալթընովայի համայնքապետ Ջասիմ Բուդաքը հեռացվել են աշխատանքից։
Նրանց փոխարեն Իգդիրում նշանակվել է նահանգապետ Էնվեր Ունլյուն, Սիիրթում՝ նահանգապետ Ալի Ֆուաթ Աթիքը, Բայքանում՝ շրջանային ղեկավար Մեհմեթ Թունչը, Քուրթալանում՝ շրջանային ղեկավար Իհսան Էմրե Այդընը, Ալթընովայում՝ Քորքութի շրջանային ղեկավար Հասան Սադեբըյըքը։
Պաշտոնից հեռացված համայնքապետների տներում խուզարկություններ են կատարվել, իսկ նրանց ղեկավարած համայնքապետարնները շրջափակվել են ոստիկանների կողմից։ Պաշտոնանկ արված 5 ՏԻՄ ղեկավարները և նրանց ևս 5 գործընկերներ ձերբակալվել են՝ իրենց դեմ հարուցված հետաքննության շրջանակներում։
Նշենք, որ 2019թ․ մարտի 31-ի ՏԻՄ ընտրություններում ԺԴԿ ներկայացուցիչները հաղթանակ էին տարել 65 համայնքում, որոնցից 3-ը՝ քաղաքներ էին, մյուսները՝ շրջաններ ու գյուղեր։ Մինչ օրս, սակայն, իշխանությունները հոգաբարձուներ ու ժամանակավոր կառավարիչներ են նշանակել դրանցից 45-ում, իսկ ևս 6 համայնքում ԺԴԿ-ական գործիչներին ի սկզբանե թույլ չէր տրվել զբաղեցնել ընտրություններով ստացած պաշտոնը, քանի որ վերջիններիս դեմ հետաքննություններ են հարուցված եղել։
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հոդվածում նշվում է, որ Թուրքիան և Ադրբեջանը ցամաքով իրար կապող միջանցքի թեման կրկին օրակարգում է։
Ֆաթիհ Էրբաքանը պնդել է, որ Իսրայելին պիտի պատասխանել իրեն հասկանալի լեզվով։
Թուրքիայի նախագահը նշել է, որ Անկարան պատրաստ է ցուցաբերել ցանկացած աջակցություն, այդ թվում՝ միջնորդություն։
«Լրագրողների և մամուլի ներկայացուցիչների վրա հարձակումը բարբարոսություն է ու նման հարձակումը որևէ լեգիտիմություն և արդարացում չունի»։
Թուրքիան պատրաստ է միջնորդի դեր ստանձնել հակամարտությանն անհապաղ վերջ դնելու և միջուկային բանակցություններին վերադառնալու համար։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |