Թուրքիայի գլխավոր ընդդիմադիրը պատրաստ է աջակցել Դավութօղլուի և Բաբաջանի կուսակցություններին

Քաղաքական17:38, 14 Մայիս 2020

Թուրքիայի գլխավոր ընդդիմադիրը պատրաստ է աջակցել Դավութօղլուի և Բաբաջանի կուսակցություններին

Թուրքիայի ընդդիմադիր «Ժողովրդահանրապետական» կուսակցության (ԺՀԿ-CHP) ղեկավար Քեմալ Քըլըչդարօղլուն հայտարարել է, որ անսպասելի արտահերթ ընտրությունների դեպքում կարող է աջակցել նախկին վարչապետ Ահմեթ Դավութօղլուի և նախկին փոխվարչապետ Ալի Բաբաջանի հիմնած կուսակցություններին։

Քըլըչդարօղլուն միանգամայն հավանական է համարել, որ ԺՀԿ-ն նման ընտրությունների դեպքում կօգնի, որպեսզի Դավութօղլուի «Ապագա» կուսակցությունը և Բաբաջանի «Ժողովրդավարություն և առաջընթաց» (DEVA) կուսակցությունը կարողանան խորհրդարանում կուսակցական խմբակցություն ստեղծել։

Նա նշել է, որ ժողովրդավարության տեսակետից յուրաքանչյուր կուսակցություն իրավունք ունի հաղթահարելու անցողիկ շեմը և ներկայացված լինելու խորհրդարանում։

Թուրք վերլուծաբան Օրհան Ուղուրօղլուի գնահատմամբ՝ Էրդողանի համար դա անցանկալի զարգացումների շարքից է։ Հավասարաչափ անցանկալի տարբերակ կարող է լինել նաև, եթե այս երկու նորաստեղծ կուսակցությունները միանան 4 կուսակցությունից կազմված «Milliyet» դաշինքին։ Դա Էրդողանի համար վատագույն սցենարը կլինի, քանի որ այդ կուսակցությունների հիմնադիրներ Ահմեթ Դավութօղլուն և Ալի Բաբաջանը, լիենլով իշխող «Արդարություն և զարգացում» կուսակցության (ԱԶԿ-AKP) նախկին անդամներ, շատ լավ գիտեն ԱԶԿ-ի և Էրդողանի բոլոր ուժեղ և թույլ կողմերը և կարող են խլել ԱԶԿ-ի ընտրողների զգալի մասին։

Աղբյուր` t24.com.tr