Ռազմական11:29, 13 Մայիս 2020
Զեկույց․ «F-35-ների ծրագրից Թուրքիային հանելը արտադրության համար ռիսկեր է առաջացնելու»
ԱՄՆ-ի կառավարությանը կից Հաշվետվողականության գրասենյակը զեկույց է պատրաստել ՆԱՏՕ-ի մեկ տասնյակ երկրների մասնակցությամբ իրականացվող F-35 գերժամանակակից կործանիչների արտադրության ծրագրի մասին։
Զեկույցի մեջ նշվել է, որ ինքնաթիռների թեստերի ու պահեստամասերի արտադրությունը դանդաղել է։ Մասնավորապես նշվում է, որ չնայած 2019-ին պլանավորված թեստերի մեծ մասի իրականացմանը՝ այնուամենայնիվ այդ ծրագրի որոշ գործընթացներում 9 ամսվա ուշացում կա։ Նշվում է, որ 2021-ի մարտից միայն հնարավոր կլինի ամբողջ ծավալով սկսել կործանիչների արտադրությունը։
Խնդիրներ կան նաև կործանիչների շասսիների որակի հետ, քանի որ մինչ այս կապալառու կազմակերպության կողմից մատակարարված 10 հազար շասսիներից միայն 3 հազարն է համապատասխանել նախագծային ստանդարտներին։ Խնդիրներ կան նաև արդեն արտադրված կործանիչներից 500-ի հետ կապված։ Այս ամենի շտկումը ռիսկեր է առաջացնում արտադրության ժամկետների հետ կապված։ Նշվում է, որ ռիսկերը ավելի են մեծանալու Թուրքիայի մասնակցությունը ծրագրին կասեցնելուց հետո։
«2019-ի հունիսին ռուսական սպառազինություն գնելու հետևանքով առաջացած անհանգստությունների պատճառով Թուրքիային ծրագրից դուրս թողնելը արտադրական ռիսկերն ավելի կամեծացնի։ Թուրքական մատակարարների կողմից ծրագրի շրջանակներում արտադրվող պահեստամասերի համար նոր մատակարար գնտվել է, 15 անուն պահեստամասեր դեռևս պահանջվող քանակով չեն արտադրվում»,- ասված է զեկույցում։
Հիշեցնենք, որ ռուսական S-400 հակաօդային պաշտպանության համակարգերի ձեռքբերման թուրքական ծրագիրը թուրք–ամերիկյան դիվանագիտական հարաբերություններում լուրջ լարվածություն էր առաջացրել։ Իսկ երբ Անկարան, անտեսելով ԱՄՆ–ի բոլոր նախազգուշացումները, գնեց այդ համակարգերը, ԱՄՆ-ը Թուրքիային դուրս թողեց F-35 նոր սերնդի կործանիչների արտադրության համատեղ ծրագրից։
Այս ենթաբաժնի վերջին նորությունները
Նշվում է, որ փառատոնը կտևի մինչև մայիսի 4-ը։
Անկարայում կողմերը քննարկել են ռազմարդյունաբերական համագործակցության խորացման հնարավորությունները։
Հիշեցնենք, որ վերջին շրջանում Թուրքիայի և Պակիստանի ռազմական համագործակցության խորացման մասին բազմատեսակ տեղեկություններ են շրջանառվում:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«Լրագրողներ առանց սահմանի» (RSF) միջազգային կազմակերպությունը հրապարակել է «Մամուլի ազատության ինդեքս 2025» ամենամյա զեկույցը։
Իտալական «Ինտերի» գլխավոր մարզիչ Սիմոնե Ինձագին և նույն թիմի կիսապաշտպան Հաքան Չալհանօղլուն որակազրկվել են Իտալիայի ֆուտբոլի առաջնության մեկ խաղով:
Ստուգումներն իրականացվել են մի շարք հասարակական վայրերում և ստուգվել է 420.269 անձի ինքնությունը։
Նշվում է, որ փառատոնը կտևի մինչև մայիսի 4-ը։
Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |