Հասարակական13:01, 11 Մայիս 2020
Հայոց պատրիարքարանը դատապարտել է թուրքական ամսագրի՝ Շնորհք պատրիարքին վարկաբեկող հոդվածը
Թուրքական «Gerçek Hayat» ամսագրում հրապարակված «FETÖ-ի ճյուղերը» հոդվածում թիրախավորվել են կրոնական փոքրամասնությունների հոգևոր առաջնորդները։ Թուրքիայի հունական, հրեական և հայկական համայնքները գրավոր հայտարարությամբ դատապարտել են «խոսքի ազատության» անվան տակ խտրականության այդօրինակ դրսևորումը։
«Ցավով տեղեկացանք, որ «Gerçek Hayat» անվամբ ամսագրում տպագրվել է հերյուրանքներով լի վարկաբեկիչ մի հոդված, որտեղ շոշափվել է նաև երջանկահիշատակ Շնորհք պատրիարքի անունը։
Նույն հոդվածում թիրախավորվել են նաև Թուրքիայի հունական և հրեական համայնքների հոգևոր առաջնորդները։ Այսպիսով, Թուրքիայի տարբեր կրոնական խմբերի դեմ ուղղված անարդար ու անհիմն հերյուրանքներ են հնչեցվել և այդ քայլով հրապարակայնորեն թիրախավորվել են կրոնական առաջնորդներն ու այդ կերպ նաև նրանց ներկայացրած համայնքները։
Թուրքիայի Հայոց պատրիարքարանը և հայ համայնքը ծայրաստիճան մտահոգիչ են համարում այդ անպատասխանատու պահվածքը և իրականությանը չհամապատասխանող պնդումները, քանի որ խոսքի ազատության անվան տակ հնչեցված այդ արտահայտությունները և շատ ցավալի են, և շատ սարսափելի հետևանքների կարող են հանգեցնել»- ասված է պատրիարքարանի կողմից հրապարակված հայտարարության մեջ։
Հայտարարությամբ ընդգծվել է, որ նման խտրական հայտարարություններն անխուսափելիորեն հանգեցնում են բացասական հետևանքների։ Որպես օրինակ հիշեցվել է օրեր առաջ հայկական եկեղեցիներից մեկի դուռը հրկիզելու փորձի մասին․ ռասիստական հայտարարություններից ոգևորված մի տղամարդ նախօրեին բենզին էր լցրել և փորձել այրել Ստամբուլի Բաքըրքյոյի հայկական Սուրբ Աստվածածին եկեղեցու դուռը։
Հայոց պատրիարքարանը նաև հույս է հայտնել, որ թուրքական պետական կառույցները կձեռնարկեն բոլոր անհրաժեշտ քայլերը՝ ցանկացած անարդար, այլատյաց գործողություն հնարավորինս արագ կանխելու և երկրի բազմազգ բնակչության միությունն ու ներդաշնակությունն ապահովելու համար։
Այս ենթաբաժնի վերջին նորությունները
Նշենք նաև, որ թեմայի շուրջ հայտարարություններ է կատարել նաև Թուրքիայի խորհրդարանում երկու պատգամավորով ներկայացված, ձախակողմյան «Ժողովրդացարական շրջաններ» կուսակցությունը։
Թուրքիայում ՌԴ դեսպանատունն արդեն դիմել է ավիաընկերության ղեկավարությանը պարզաբանումների ստանալու համար։
«Թուրքիայի վիճակագրական ինստիտուտի» տվյալների համաձայն՝ նրանց թիվն ավելին քան 22 մլն է:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
«Պաշտոնական Անկարան ձգտում է ակնհայտորեն լճացած գործընթացի միջոցով հնարավորինս նվազեցնել Մեծ Եղեռնի ազդեցության քաղաքական բաղադրիչը»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |