Ստամբուլի քաղաքապետ․ «Ստամբուլում մահացություններն այս տարի աճել են 30-35%-ով»

Տարածաշրջան17:42, 29 Ապրիլ 2020

Ստամբուլի քաղաքապետ․ «Ստամբուլում մահացություններն այս տարի աճել են 30-35%-ով»

Թուրքիայի գլխավոր ընդդիմադիր ուժ համարվող քեմալական «Ժողովրդահանրապետական» կուսակցությունից ընտրված Ստամբուլի քաղաքապետ Էքրեմ Իմամօղլուն թուրքական «Halk TV» հեռուստաալիքի եթերում մասնակցել է կորոնավիրուսի թեմայով քննարկումներին։

Անդրադառնալով քաղաքում մահացությունների թվի աճի վերաբերյալ խոսակցություններին՝ Իմամօղլուն ասել է․ «Երբ նայում ենք մահացության վիճակագրությանը, այս տարի նախորդ 2-3 տարիների համեմատությամբ 30-35 տոկոսով ավել մահեր են գրանցվում»։ Քաղաքապետը, սակայն դժվարացել է ասել, թե այդ ավել մահացությունների որ մասն է պայմանավորված կորոնավիրուսով, քանի որ վիճակագրության մեջ առանձին չի նշվում դա։

Իմամօղլուն միայն նշել է, որ վերջին 1 ամսում օրական մահացությունների թիվը նախորդ տարիների նույն ժամանակահատվածի համեմատ 80-90-ով, իսկ երբեմն նաև 100-ով ավել են լինում։

Նա նաև նշել է, որ այս թվերի կապակցությամբ քաղաքապետարանն արդեն զգուշացնող գրություններ է ուղարկել նահանգապետարան և առողջապահության նախարարություն։

Աղբյուր` Haberler.com

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: