Ըստ ընդդիմադիր պատգամավորի՝ Թուրքիան համավարակի առումով կարող է մրցել ԱՄՆ-ի հետ

Հասարակական16:57, 28 Ապրիլ 2020

Ըստ ընդդիմադիր պատգամավորի՝ Թուրքիան համավարակի առումով կարող է մրցել ԱՄՆ-ի հետ

Թուրքիայի ընդդիմադիր «Ժողովրդահանրապետական» (ԺՀԿ-HDP) կուսակցության պատգամավոր Մերալ Դանըշ Բեշթաշը հայտարարել է, որ Թուրքիան ջանում է թաքցնել երկրում կորոնավիրուսով վարակվածների իրական թիվը։

Նրա խոսքով՝ այդ ցուցանիշը չբացահայտելու նպատակով Թուրքիայում պարզապես ավելի քիչ են համապատասխան թեստեր անցկացնում պոտենցիալ վարակակիրների շրջանում։

Բեշթաշի պնդմամբ՝ Թուրքիան այդ կերպ փորձում է ցույց չտալ ավելի վատ ցուցանիշներ, քան այլ երկրներում գրանցվող պատկերն է։ Սակայն, ըստ նրա, Թուրքիան տոկոսային առումով վաղուց գերազանցել է Իրանին և նմանատիպ ծանր վիճակում հայտնված երկրներին ու կարող է մրցակցել անգամ ԱՄՆ-ի հետ։

Ընդդիմադիր պատգամավորը համոզմունք է հայտնել, որ այդ իրավիճակը կարելի է նկատել՝ պարզապես համեմատելով հրապարակվող պաշտոնական տվյալները։

Հիշեցնենք, որ ԱՄՆ-ում մինչ օրս կորոնավիրուսից 56․803 մարդ է մահացել։ Հաստատված դեպքերի թիվն անցել է 1 մլն 10․000-ի սահմանը։ Թուրքիայում, ըստ պաշտոնական տվյալաների, գրանցվել է վարակվածության 112․261 դեպք, կորոնավիրուսից մահացել է 2․900 մարդ։

Աղբյուր` haber7.com

Այս ենթաբաժնի վերջին նորությունները

14:53, 13 մայ

Հնդիկ վաճառականները կրպակներից հեռացնում են թուրքական ապրանքները (Տեսանյութ)

Ի պատասխան Պակիստանին ցուցաբերած ակնհայտ աջակցության՝ հնդիկները բոյկոտ են սկսել Թուրքիայի դեմ:

12:20, 13 մայ

Թուրքիայում ծնելիության ցուցանիշը նվազում է

Թուրքիայի վիճակագրական ծառայությունը (TÜİK) հրապարակել է 2024 թվականի ծնելիության տվյալները։

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։