Թուրքիայում կորոնավիրուսով վարակման դեպքերի թիվն անցել է 110․000-ը

Հասարակական09:45, 27 Ապրիլ 2020

Թուրքիայում կորոնավիրուսով վարակման դեպքերի թիվն անցել է 110․000-ը

Ապրիլի 26-ի երեկոյան ամփոփված տվյալների համաձայն՝ Թուրքիայում նոր տեսակի կորոնավիրուսից մահացել է 99 մարդ։ Այս մասին Twitter միկրոբլոգի իր պաշտոնական էջում հայտնել է Թուրքիայի առողջապահության նախարար Ֆահրեթթին Քոջան։

Գրառման մեջ նախարարը նշել է, որ 24 ժամվա ընթացքում իրականացված 30․177 թեստերի արդյունքում հաստատվել է կորոնավիրուսով վարակվելու 2․357 նոր դեպք։ Նույն ժամանակահատվածում գրանցվել է վարակակիրների մահվան 99 դեպք, ապաքինվել է ևս 3.558 մարդ։

Ընդհանուր առմամբ Թուրքիայում համավարակից ապաքինվել է 29․140 հիվանդ, իսկ 1․776 հիվանդ գտնվում է վերակենդանացման բաժանմունքում։

Այսպիսով, ըստ վերջին տվյալների, Թուրքիայում արձանագրվել է կորոնավիրուսով վարակվելու 110․130 հաստատված դեպք և մահվան 2․805 դեպք։ Ընդհանուր առմամբ կատարված թեստավորումների թիվը հասել է 889․742-ի։

Քոջան նաև նշել է, որ Թուրքիայում վերջին 20 օրերի ընթացքում կորոնավիրուսով վարակման հաստատված դեպքերի ամենացածր ցուցանիշը գրանցվել է ապրիլի 26-ին։

Հիշեցնենք, որ Թուրքիայում պաշտոնական տվյալներով` կորոնավիրուսով վարակվելու առաջին դեպքը հաստատվել է մարտի 11-ին, իսկ մահվան առաջին դեպքը՝ մարտի 17-ին։ Թուրքիան կորոնավիրուսով վարակման դեպքերի թվով տարածաշրջանում առաջ է անցել Իրանից։

Աղբյուր` Ermenihaber.am

Այս ենթաբաժնի վերջին նորությունները

14:53, 13 մայ

Հնդիկ վաճառականները կրպակներից հեռացնում են թուրքական ապրանքները (Տեսանյութ)

Ի պատասխան Պակիստանին ցուցաբերած ակնհայտ աջակցության՝ հնդիկները բոյկոտ են սկսել Թուրքիայի դեմ:

12:20, 13 մայ

Թուրքիայում ծնելիության ցուցանիշը նվազում է

Թուրքիայի վիճակագրական ծառայությունը (TÜİK) հրապարակել է 2024 թվականի ծնելիության տվյալները։

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։