Տնտեսական12:46, 22 Ապրիլ 2020
Թուրքիայի տնտեսության համար վերջին 10-ամյակում առաջին անգամ անկում է կանխատեսվում
«Reuters» միջազգային գործակալությունը կորոնավիրուսի տնտեսական հետևանքների վերաբերյալ զեկույց է հրապարակել։ 40 տնտեսագետի մասնակցությամբ կազմված զեկույցի համաձայն՝ համավարակի տարածման կանխարգելման նպատակով ձեռնարկված միջոցառումների պատճառով Թուրքիայի տնտեսությունը 2009թ․ հետո առաջին անգամ անկում կգրանցի։
Մասնագետների կանխատեսմամբ՝ 2020թ․ ընթացքում Թուրքիայի ՀՆԱ-ն կնվազի 1․4 տոկոսով։ Առաջիկա ամիսներին՝ տարվա երկրորդ և երրորդ քառորդներում անկումը նախորդ տարվա նույն ամիսների համեմատ կկազմի համապատասխանաբար 8․6 և 5․3 տոկոս։
Շվեյցարական UBS բանկի վերլուծաբանները ևս համոզված են, որ Covid -19-ի բացասական տնտեսական հետևանքները Թուրքիայում առավել նկատելի կլինեն տարվա երկրորդ և երրորդ քառորդներին։ Ընդ որում՝ անկում է սպասվում ներդրումների, արտահանման և տնտեսության մյուս բոլոր ոլորտներում։
Նշենք, որ Թուրքիայի տնտեսությունը վերջին անգամ ամենից մեծ անկում էր ապրել 2009թ․ (- 4․7 տոկոս)։ Հաջորդող 2010-2018 ժամանակահատվածում տարեկան միջինում 5 տոկոս տնտեսական աճ էր գրանցվել։ Սակայն 2018թ․ լիրայի արժեզրկման հետևանքով երեք քառորդ շարունակաբար գրանցված տնտեսական անկման արդյունքում 2019թ․ տարեկան տնտեսական աճը կազմել էր ընդամենը 0․9 տոկոս։
Այս ենթաբաժնի վերջին նորությունները
Կարսում կազմակերպված «Սահմանակից նահանգների տնտեսական ֆորում»-ին ներկա է գտնվել նաև Թուրքիայում Ադրբեջանի դեսպան Ռաշադ Մամեդովը։
Թուրքիայի Էներգետիկայի և բնական պաշարների նախարարն արձագանքել է իրանական գազի ներկրման մասին մտահոգիչ խոսակցություններին։
Իրանի և Իսրայելի ֆոնդային բորսաներում ևս զգալի անկում է նկատվում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
«Kharabakh Records» տելեգրամյան ալիքը գրել է. «Թուրքիայի մամուլից նման բան չէինք սպասում»։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
«Իսրայելի ղեկավարությունը տարածաշրջանային խաղաղության դեմ համընդհանուր հակամարտության ռազմավարություն է իրականացնում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |