Տնտեսական15:05, 22 Ապրիլ 2020
Վերլուծաբան․ «Թուրքիայում փաստացի գործազրկության մակարդակն արդեն 28 տոկոս է»
Թուրքական «Dünya» թերթի թղթակից Ալաաթթին Աքթաշի գնահատմամբ՝ Թուրքիայում այս պահին գործազրկության մակարդակը հասել է շուրջ 28 տոկոսի։
Թուրքիայի վիճակագրական ընկերության (TÜİK) կողմից գործազրկության մակարդակի վերաբերյալ վերջին պաշտոնական վիճակագրությունը հրապարակվել է 2020թ․ հունվարին։ Ըստ այդմ՝ հունվարի դրությամբ երկրում 4 մլն 362․000 գործազուրկ կար։
Աքթաշի խոսքով՝ այդ 4․4 միլիոնին այնուհետև գումարվել են նաև այն 1․4 մլն քաղաքացիները, որոնց բնակավայրերում համավարակի պատճառով փողոց դուրս գալու արգելք է կիրառվում։ Բացի այդ՝ աշխատանքից զրկված շուրջ 3 մլն քաղաքացի պաշտոնապես գործազուրկ չի համարվում, քանի որ դա հնարավորություն է տալիս նրանց օգտվել բիզնեսին տրվող կարճաժամկետ աջակցությունից։ Աշխատողների մի ստվար զանգված էլ թեև աշխատանքից չի հեռացվում, բայց ուղարկվում է անվճար հարկադիր արձակուրդ։
Այս բոլոր խմբերին պատկանող գործազուրկ քաղաքացիների ընդհանուր թիվն այս պահին, ըստ վերլուծաբանի, շուրջ 8․8 միլիոն է։ Իսկ TÜİK-ի պաշտոնական տվյալների համաձայն՝ Թուրքիայում աշխատունակ բնակչությունը կազմում է 31․6 մլն։ Այլ կերպ ասած՝ այս պահին երկրում աշխատունակ բնկաչության շուրջ 27․7 տոկոսը որևէ աշխատանք չունի։
Այլ հարց է, որ սահմանափակումների պատճառով աշխատանքից զրկված տարբեր խմբեր, ինչպիսին են հարկադիր արձակուրդ ուղարկվածները կամ կարճաժամկետ աջակցությունից օգտվողները, պաշտոնապես գործազուրկ չեն համարվում և վիճակագրության մեջ չեն ներառվում։
Աքթաշի խոսքով՝ իրավիճակը շատ ավելի կբարդանա և գործազրկության մակարդակն ավելի կբարձրանա, եթե համավարակի պատճառով գործունեության տարբեր տեսակների սահմանափակումները շարունակվեն ևս երեք ամիս։
Այս ենթաբաժնի վերջին նորությունները
Աբդուլքադիր Ուրալօղլուն ելույթ է ունեցել Կարս-Իգդիր-Արալըք-Դիլուջու երկաթուղային գծի հիմնարկեքի արարողությանը։
Դամասկոսի առևտրային կցորդի գրասենյակը պաշտոնապես նախազգուշացրել է թուրքական ընկերություններին՝ կոչ անելով հաշվի առնել նոր կանոնները և վերանայել իրենց առևտրային պլանները։
Թուրքիայի նավահանգիստ այցելող նավերից կպահանջվեն փաստաթղթեր, որոնցում նշված կլինի, որ նրանք ռազմական բեռներ չեն տեղափոխում Իսրայել։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն:
Անկարայի քաղաքապետարանի ջրի և կոյուղու վարչության տվյալներով՝ նախորդ տարվա համեմատ քաղաքի ջրամբարների լցվածությունը նվազել է 2 անգամ:
Թուրքական «ORC Araştırma» հետազոտական ընկերությունը հրապարակել է սոցհարցման արդյունքները։
Աբդուլքադիր Ուրալօղլուն ելույթ է ունեցել Կարս-Իգդիր-Արալըք-Դիլուջու երկաթուղային գծի հիմնարկեքի արարողությանը։
Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |