Հասարակական17:46, 22 Ապրիլ 2020
Աթաթուրքի նկարը գլխիվայր են կախել թուրքական համալսարանի շենքից
Ապրիլի 23-ին Թուրքիայում նշվող «Ազգային ինքնիշխանության և երեխաների տոնին» ընդառաջ Տրապիզոնի համալսարանի շենքի պատին թուրքական դրոշներ են փակցրել։
Դրոշներից բացի շինության պատից կախել են նաև Թուրքիայի Հանրապետության հիմնադիր և առաջին նախագահ Մուստաֆա Քեմալ Աթաթուրքի մեծադիր նկարը, սակայն՝ գլխիվայր դիրքով։
Դա խիստ բացասական արձագանք է առաջացրել թուրք հանրության շրջանում։
Թուրքիայի խորհրդարանի CHP-ական նախկին պատգամավոր և ավագանու անդամ Հալուք Փեքշենը սոցցանցում արած գրառմամբ քննադատել է Աթաթուրքի նկարի հետ նման վարվելակերպը։
Փեքշենը դա անպատվաբեր է համարել ոչ միայն Աթաթուրքի, այլև Տրապիզոնի ժողովրդի համար։ Նաև հավելել է, որ Տրապիզոնը Թուրքիայի Հանրապետության հիմնադրման ընթացքում կարևոր նշանակություն ունեցող քաղաքներից է, իսկ տրապիզոնցիներից շատերն առանցքային դեր են ունեցել քեմալական շարժման ընթացքում։
Տրապիզոնի համալսարանը սոցցանցում հանդես է եկել պարզաբանող հայտարարությամբ, ըստ որի՝ սխալը նկատելուն պես նկարի դիրքն իսկույնևեթ շտկվել է, իսկ այդ աշխատանքներով զբաղվող և պատասխանատվություն կրող անձանց դեմ համապատասխան ընթացակարգ է սկսվել։
Հայտարարության մեջ նաև նշվում է, իրավական ճանապարհով հայցեր կներկայացվեն այն օգտատերերի դեմ, որոնք նշյալ միջադեպի առիթով համալսարանը պախարակող գրառումներ են արել սոցկայքերում։
Այս ենթաբաժնի վերջին նորությունները
Կրոնափոխ լինելու նրանց որոշման վրա ազդել է իրենց դուստրը, ով բնակություն է հաստատել Թուրքիայում։
ՄԱԿ-ը հրապարակել է 2024-ի աշխարհի ամենաշատ բնակչություն ունեցող երկրների ցանկը։
«Թուրքիայի զբաղվածության գործակալությունը» հրապարակել է քաղաքացիների զբաղվածության տվյալները։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Գործընթացը մեկնարկել է հուլիսի 11-ին Իրաքի հյուսիսում գտնվող Սուլեյմանիե նահանգում:
Տեղացիները նշում են, որ նախկինում գյուղից-գյուղ գնում էին նավակով, իսկ այժմ՝ ոտքով։
Դատարանը հայտնել է, որ խնդրի վերաբերյալ նախնական որոշում կկայացվի մինչև 2025-ի օգոստոսի 8-ը։
«Թուրքիայի նպատակները և տարածաշրջանային ներկայությունը երկար ժամանակ սպառնալիք է ստեղծելու Իսրայելի անվտանգության համար»:
Թուրքիայի նախագահը նաև անդրադարձել է ռուս-ուկրաինական հակամարտությանը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |