Տարածաշրջան11:42, 21 Ապրիլ 2020
Ստամբուլում կորոնավիրուսով վարակված բուժաշխատողների թիվը հասել է 2000-ի
Ստամբուլում կորոնավիրուսով վարակված առաողջապահության ոլորտի աշխատողների թիվը հասել է 2 հազարի։ Այս մասին նշվել է Ստամբուլի Բժշկական պալատի զեկույցում, որի թեման է ապրիլի 13-19-ը ընկած ժամանակահատվածում քաղաքի հիվանդանոցներում կորոնավիրուսով պայմանավորված իրավիճակը։
Զեկույցում նշվում է, որ համավարակի դեմ պայքարի 1-ին շարքերում գտնվող բժիշկների ու ոլորտի մյուս աշխատողների վարակի շղթաները հայտնաբերելու և մեկուսացնելու նպատակով առողջապահության նախարարությունը բավարար ու կանոնավոր աշխատանք չի տանում։
Առողջապահական հիմնարկներում պաշտպանիչ միջոցների անբավարարությունը դեռևս պահպանվում է՝ չնայած այն հանգամանքին, որ համավարակի տարածման 1-ին շաբաթների համեմատ այս առումով զգալի բարելավում կա։ Որոշ հիվանդանոցներում սահմանված հերթապահությունների արդյունքում բուժաշխատողները դեռևս բավականին ծանր գրաֆիկով են աշխատում, ընդհուպ մինչև 36 ժամ աշխատողներ կան։
Համավարակի տարածման շղթաները հայտնաբերելու ուղղությամբ աշխատանքներ տանող շրջանային առողջապահության վարչությունների աշխատակիցների, ինչպես նաև իրենց բնականոն աշխատանքները շարունակող ընտանեկան առողջության կենտրոնների աշխատակիցների շարքերում վարակաիրների թիվն արագորեն ավելանում է։
Կորոնավիրուսի առաջացրած ծանրաբեռնվածության պայմաններում այլ հիվանդություններ ունեցող մարդիկ դժվարությունների են հանդիպում անհետաձգելի բժշկական օգնություն ստանալու հարցում։ Հիվանդները դժվարանում են գտնել հիվանդանոցներ, որտեղ կարող են բժշկական օգնություն ստանալ։
Խնդիրներ են առաջացել նաև հանրային վայրերում դիմակ կրելու պարտադրանքի պատճառով, քանի որ դիմակների վաճառքն արգելված է, իսկ դրանց անվճար բաժանումը ժողովրդին ոչ բավարար քանակությամբ է կատարվում։
Այս ենթաբաժնի վերջին նորությունները
Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։
«Հռետորաբանությունը՝ պատրվակ, իսկ առևտուրը՝ փառահեղ»,- գրել է թուրք տնտեսագետ Ինան Մութլուն։
Թուրքիայի թվային ենթակառուցվածքները կվերաձևավորվեն համաշխարհային մրցակցությանը համապատասխան։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրենքի նախագիծը 28 պատգամավորի ստորագրությամբ արդեն ներկայացվել է Թուրքիայի ազգային մեծ ժողով։
Բացարձակապես չի նշվում, որ միջնադարյան այդ քաղաքն ու եկեղեցին հայկական են։
Պատրիարքարանի փակ լինելու վերաբերյալ Մաշալյանն ասել է, որ այդ հարցում Հայաստանը թույլ էր տվել արարողակարգային սխալ:
Նախատեսվում է, որ ատոմակայանի առաջին բլոկը կսկսի էլեկտրաէներգիա արտադրել 2026-ին։
Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |