Միջազգային17:37, 14 Ապրիլ 2020
Նիդերլանդները Թուրքիայի քաղաքացիների համար պարտադիր է դարձրել համապատասխանության քննությունը
2020թ․ մայիսի 1-ից Նիդերլանդներ տեղափոխվող Թուրքիայի քաղաքացիները պարտադիր կարգով պետք է «համապատասխանության քննություն» հանձնեն։ Առաջին փուլում այս միջոցառումը պարտադիր կլինի Նիդերլանդներից ապաստան խնդրող ներգաղթյալների համար։ Իսկ 2021թ․ հուլիսի 1-ից՝ Նիդերլանդներ մեկնող Թուրքիայի բոլոր քաղաքացիների համար։
Մինչ օրս Նիդերլանդներ տեղափոխվող Թուրքիայի քաղաքացիները ազատված էին նշյալ քննությունից՝ 1963թ․ Թուրքիայի և Եվրոպական հանրության միջև կնքված գործընկերության պայմանագրի և 1970թ․ ստորագրված լրացուցիչ արձանագրության հիման վրա։
Սակայն 2016թ․ հուլիսի 15-ի ձախողված հեղաշրջումից հետո Թուրքիայից ապաստանի դիմումների թվի աննախադեպ աճի պատճառով Նիդերլանդների իշխանությունները հարկադրված են որոշակի փոփոխություններ կատարել այս ընթացակարգերում։
«Համապատասխանության քննությունը» պարտադիր դարձնելիս այս երկրի կառավարությունն առաջնորդվել է Եվրոպական միության արդարադատության դատարանի՝ 2014թ․ ընդունած որոշմամբ, ըստ որի՝ գործընկերության պայմանագրի պահանջները կարող են խախտվել հանրային շահի տեսակետից խիստ անհրաժեշտություն ծագելու դեպքում։
Նախապես պլանավորված էր, որ նշված օրենքը կընդունվի 2021թ․ հունվարի 1-ին, ավելի ուշ այն հետաձգվել էր մինչև 2021թ․ հուլիսի 1-ը։ Սակայն, «չափից դուրս մեղմության» վերաբերյալ կոալիցիայի անդամների կողմից հնչեցված որոշ քննադատություններից հետո գործընթացն արագացվել է։
Այս միջոցառումը էապես կկրճատի մշտական բնակության իրավունք ստացող Թուրքիայի քաղաքացիների թիվը, քանի որ նրանք այդ իրավունքը ստանալու համար պետք է հանձնեն համապատասխանության և առնվազն B1 մակարդակով լեզվի իմացության քննություն։ Արդյունքների անբավարար լինելու դեպքում քաղաքացին չի կարող Նիդերլանդներում մշտական կեցության իրավունք ստանալ։ Տեղի թուրքական համայնքը չի ողջունում այս որոշումը՝ պնդելով, որ հատկապես կրթության ցածր մակարդակ ունեցող ներգաղթյալների համար սա լուրջ խնդիր կարող է ստեղծել։
Այս ենթաբաժնի վերջին նորությունները
Եգիպտոսը, Արաբական Միացյալ Էմիրությունները, Հունաստանը, Կիպրոսը և Ֆրանսիան հակաօրինական են համարել տարածաշրջանում Թուրքիայի գործողությունները։
Հաղորդվում է, որ այդ պարագաները հետ են ուղարկվելու Թուրքիա՝ դրանց գումարը հետ փոխանցելու պահանջով։
Որոշումը Թուրքիայի բոլոր քաղաքացիների համար ուժի մեջ կմտնի 2021թ․ հուլիսի 1-ից և էապես կկրճատի կեցության իրավունք ստացողների թիվը։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Իրավաբան Ֆեթհիյե Չեթինը հայտնել է, որ Դինքի հիմնադրամի էլեկտրոնային հասցեին ևս մեկ սպառնալից նամակ է ուղարկվել։
Համատեղ հայտարարության տակ ստորագրած մտավորականները հայտնել են, որ երբեք չեն ընդունում այն հասկացությունը և գերակշիռ դեր ունեցող այն հասարակարգը, որը փոքր երեխային մարդասպան է մեծացնում։
Թուրքիայի նախկին փոխվարչապետ, «Ժողովրդավարություն և առաջընթաց» (DEVA) կուսակցության նախագահը արձագանքել է Դինքի կնոջը և հիմնադրամի իրավաբանին ուղարկված սպանության սպառնալիքով նամակին։
Այս մասին հայտնել է Թուրքիայի խորհրդարանի հայ պատգամավոր Կարո Փայլանը։
Թուրքիայի Հանրապետության առաջին վարչապետ Իսմեթ Ինոնյուն 1932թ. այցելել էր ԽՍՀՄ։
Օրացույց
Հարցումներ
Իդլիբի ճգնաժամի պատճառով կվատանա՞ն ռուս-թուրքական հարաբերությունները:
արտարժույթ
| EUR | TRY | USD |
| 549.84 | 90.05 | 485.12 |