Քաղաքական16:51, 09 Ապրիլ 2020
ՀՀ ԱԳՆ խոսնակը՝ Էրդողանի օգնության առաջարկի մասին․ «Օրակարգում նման հարց գոյություն չունի»
Հայաստանի Հանրապետության արտաքին գործերի նախարարի մամուլի խոսնակ Աննա Նաղդալյանը անդրադարձել է Թուրքիայից ՀՀ քաղաքացիների վերադարձի կազմակերպման հարցին, ինչպես նաև՝ մեկնաբանել Պոլսո Հայոց Պատրիարքարանի կողմից տրված մամուլի հաղորդագրությունը, ըստ որի՝ Թուրքիան առաջարկում է աջակցություն ցուցաբերել Հայաստանին՝ կորոնավիրուսի դեմ պայքարում:
«Արմենպրես» լրատվական գործակալության հետ զրույցում Աննա Նաղդալյանը մասնավորապես ասել է․ «Հայաստանի կողմից ձեռնարկվում են բոլոր հնարավոր միջոցները՝ մեր քաղաքացիների վերադարձը Հայաստան ապահովելու ուղղությամբ, և առաջնահերութություն է հատկապես տրվում համավարակի լայն տարածում ստացած երկրներում դժվար կացության մեջ հայտնված մեր քաղաքացիների տեղափոխմանը: Այդ պատճառով որոշում կայացվեց տեղափոխել Թուրքիայում գտնվող և Հայաստան վերադառնալու ցանկություն հայտնած մեր քաղաքացիներին:
Նշենք, որ ՀՀ ԱԳՆ հետ կապ են հաստատել Թուրքիայում գտնվող մոտ հարյուր ՀՀ քաղաքացիներ: ԱԳՆ ջանքերով և ֆինանսավորմամբ իրականացվում է Հայաստան վերադառնալու ցանկություն հայտնած յոթ տասնյակ ՀՀ քաղաքացիների տեղափոխումը Վրաստանի տարածքով։ Նրանք Հայաստան ժամանելուն պես ենթարկվելու են 14-օրյա պարտադիր կարանտինային ռեժիմի»։
Անդրադառնալով նաև Պոլսո Հայոց Պատրիարքարանի հրապարակած մամուլի հաղորդագրութան մեջ նշված այն հանգամանքին, թե Թուրքիան նախատեսում է աջակցություն ցուցաբերել Հայաստանին՝ կորոնավիրուսի դեմ պայքարում, Նաղդալյանը նշել է․ «Մենք ծանոթ ենք Պոլսո Պատրիարքարանի կողմից Թուրքիայի նախագահի հետ ունեցած հեռախոսազրույցի վերաբերյալ մամուլի հաղորդագրությանը: Որպես երրորդ կողմ, ձեռնպահ կմնայինք ոչ պաշտոնական տեղեկատվությունը մեկնաբանելուց: Բոլոր դեպքերում, օրակարգում նման հարց գոյություն չունի»:
Այս ենթաբաժնի վերջին նորությունները
Ալիևն ու Էրդողանը միմյանց շնորհավորել են նաև մուսուլմանական Ռամազան տոնի առիթով։
Նշվում է, որ Իսրայելի նման դիրքորոշումը կապված է Արևելյան Միջերկրական ծովում և Մերձավոր Արևելքում Թուրքիայի գորոծողությունների հետ։
Նշվում է, որ պատի վրայի գրառումը նկատելուց հետո Այտորֆի կենտրոնական մզկիթի ղեկավարը դիմել է իրավապահ մարմիններին։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ադրբեջանցի լրագրողը Չավուշօղլուից հարցրել է, թե երբ է Թուրքիան աջակցելու Ադրբեջանին,
Ալիևն ու Էրդողանը միմյանց շնորհավորել են նաև մուսուլմանական Ռամազան տոնի առիթով։
2020-ի փետրվարի 4-ին և 5-ին Վան-Բահչեսարայ ճանապարհի լեռնանցքային հատվածում տեղի ունեցած ձնահյուսի հետևանքով 42 մարդ էր մահացել, այդ թվում` բազմաթիվ փրկարարներ։
«El Al»-ից հայտարարել են, որ չվերթների շրջանականերում իրականացվելու են միայն բեռնափոխադրումներ։
Օրացույց
Հարցումներ
Իդլիբի ճգնաժամի պատճառով կվատանա՞ն ռուս-թուրքական հարաբերությունները:
արտարժույթ
| EUR | TRY | USD |
| 549.84 | 90.05 | 485.12 |