Թուրքիայի բանակում կորոնավիրուսի տարածման դեմ միջոցառումներ են անցկացվում

Տարածաշրջան18:02, 08 Ապրիլ 2020

Թուրքիայի բանակում կորոնավիրուսի տարածման դեմ միջոցառումներ են անցկացվում

Թուրքիայի զինված ուժերում կորոնավիրուսի տարածման դեմ պայքարի շրջանակներում մի շարք միջոցառումներ են իրականացվում: Անկարայի Փոլաթլը շրջանում գտնվող 58-րդ հրետանային գումարտակում անցկացվող միջոցառումները լուսաբանելու համար թուրքական լրատվամիջոցներին թույլ է տրվել ներսում նկարահանումներ իրականացնել ներսում:

Թուրքական աղբյուրի հրապարակման մեջ նշվում է, որ զորամասի բոլոր ծառայողներն ու աշխատողները, որոնք դուրս են գալիս զորամասի տարածքից, ամեն առավոտ ներս մտնելիս անցնում են համապատասխան ստուգումներ:

Ստորաբաժանումներում օրական 2 անգամ ստուգում են անձնակազմի անդամների ջերմությունը, ինչպես նաև ստուգում, թե արդյոք որևէ մեկը չունի հազ կամ շնչառական դժվարություն: Ճաշարաններում, ննջարաններում ու բոլոր այն վայրերում որտեղ հավաքվում են մեծ քանակությամբ զինվորներ, սահմանվել են պարտադիր սոցիալական հեռավորություններ: Քրոնիկ հիվանդություններ ունեցող ծառայողներին/աշխատողներին տրվել են արձակուրդներ:

Պարտադիր զինծառայությունն ավարտած զինվորներն էլ վերջին 14 օրն անցկացնում են հատուկ հսկողության տակ:

Աղբյուր` Ensonhaber

Այս ենթաբաժնի վերջին նորությունները

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։