Hurriyet. PKK-ն Դիարբեքիրում հարձակվել է փայտ հավաքող բանվորների վրա, կան զոհեր

Տարածաշրջան11:26, 08 Ապրիլ 2020

Hurriyet. PKK-ն Դիարբեքիրում հարձակվել է փայտ հավաքող բանվորների վրա, կան զոհեր

Թուրքիայի Դիարբեքիրի նահանգի Քուլփ շրջանում պայթեցվել է անտառում աշխատող բանվորներին տեղափոխող մեքենան:

Թուրքական «Hurriyet» թերթի կայքի պնդմամբ` պայթյունի մեղավորը Թուրքիայում ահաբեկչական համարվող «Քուրդիստանի բանվորական կուսակցություն» (PKK-ՔԲԿ) ռազմաքաղաքական կազմակերպությունն է:

Նշվում է, որ նախօրոք ճանապարհին PKK-ի զինյալների կողմից տեղադրված ականը պայթել է այն ժամանակ, երբ բանվորներին տեղափոխող մեքենան անցնելիս է եղել ճանապարհի այդ հատվածով: Դեպքի վայր են մեկնել շտապ օգնության մեքենաներ և ժանդարմերիայի ստորաբաժանումներ:

Դեպքի վերաբերյալ ավելի ուշ հայտարարություն է տարածել նաև Դիարբեքիրի նահանգապետարանը: Դրանում մասնավորապես ասված է. «Նահանգի Քուլփ շրջանի Գյուլեչ թաղամասի ոչ բնակելի հատվածում ժամը 6:30-ի սահմաններում PKK ահաբեկչական կազմակերպության անդամների կողմից քաղաքացիական բնակիչներին անտառ տեղափոխող մեքենանայի վրա ինքնաշեն պայթուցիկի գործադրմամբ կատարած հարձակման հետևանքով զոհվել է 5 քաղաքացի»:

Նշենք, սակայն, որ PKK-ն Թուրքիայում զինված գործողություններ իրականացնելիս սովորաբար թիրախավորում է այդ երկրի ուժային կառույցների ներկայացուցիչներին՝ զերծ մնալով խաղաղ բնակչության դեմ գործողություններ իրականացնելուց:

Աղբյուր` Ermenihaber.am

Այս ենթաբաժնի վերջին նորությունները

13:58, 25 մայ

Վանում ձնհալի արդյունքում ի հայտ են եկել ձմռանը ձնահյուսի տակ մնացած մեքենաներից 2-ը

2020-ի փետրվարի 4-ին և 5-ին Վան-Բահչեսարայ ճանապարհի լեռնանցքային հատվածում տեղի ունեցած ձնահյուսի հետևանքով 42 մարդ էր մահացել, այդ թվում` բազմաթիվ փրկարարներ։

10:14, 15 մայ

Իդլիբում իրականացվել է ռուս-թուրքական 11-րդ համատեղ պարեկային հերթապահությունը

Իդլիբում համատեղ պարեկություն իրականացնելու հարցում Մոսկվայի ու Անկարայի միջև համաձայնություն էր ձեռք բերվել Էրդողանի` մարտի 5-ին Մոսկվա կատարած այցի ընթացքում: