Թուրք մասնագետ․ «Թուրքիայում իրավիճակը Իտալիայից ավելի վատ է»

Հասարակական15:48, 08 Ապրիլ 2020

Թուրք մասնագետ․ «Թուրքիայում իրավիճակը Իտալիայից ավելի վատ է»

Ամերիկյան Հարվարդի համալսարանի և Բոստոնի քոլեջի կենսաբանության ֆակուլտետի դասախոսապրոֆեսորական կազմի անդամ Էմրահ Ալթընդիշը թուրքական «Cumhuriyet» թերթին տված հարցազրույցում անդրադարձել է Թուրքիայում կորոնավիրուսի պայքարի դեմ իրականացվող միջոցառումներին և մտահոգություն հայտնել։

Թուրք մասնագետը նշել է, որ Թուրքիայում կորոնավիրուսով վարակման դեպքերի հաստատումից հետո ինքը կարծում էր, թե Թուրքիայում Իտալիայի նման չէր կարող լինել։ Սակայն այժմ Ալթընդիշը համոզված է. «Թուրքիայում իրավիճակը ոչ թե Իտալիայի նման է, այլ ավելի վատ է»։

Նա Թուրքիայի կողմից համավարակի տարածումը կանխարգելող միջոցների հարցում երկու թերություն է արձանագրել։ Նախ այն, որ Թուրքիայում ամբողջովին կարանտինային ռեժիմ չի հայտարարվել և երկրորդը՝ կորոնավիրուսի թեստավորումների թիվը շարունակում է ցածր լինել։

Նա նկատել է, որ մարտի 11-ից սկսած յուրաքանչյուր 3 օրը մեկ մահվան դեպքերի թիվը երկու անգամ ավելանում է, իսկ վարակման դեպքերի թիվը յուրաքանչյուր 4 օրը մեկ ավելանում է կրկնակի։

Ալթընդիշը նաև հիշեցրել է, որ Իտալիայում համավարակից մահացածության 400-րդ դեպքը գրանցվելուց հետո կարանտինային ռեժիմ է հայտարարվել երկրում, սակայն այդ ժամանակվանից 3 շաբաթ է անցել, բայց մահվան դեպքերը դեռևս չեն նվազել։

Աղբյուր` diken.com.tr

Այս ենթաբաժնի վերջին նորությունները

17:35, 27 հունվ

Շվեդ ակտիվիստ Պալուդանը մտադիր է նորից Ղուրան այրել

Թուրքիայում Դանիայի դեսպանը կանչվել է արտաքին գործերի նախարարություն:

14:29, 24 հունվ

Թուրքիայում ռուսներին մերժում են կեցության թույլտվության համար

Ինչպես հայտնում են ռուսական լրատվականները, անցյալ տարվա դեկտեմբերի 26-ից հետո որպես զբոսաշրջիկ Թուրքիա այցելել ցանկացող ռուսներին մերժում են։

09:54, 24 հունվ

Ստամբուլի Սուրբ Փրկիչ հայկական եկեղեցում հրդեհ է բռնկվել. կան զոհեր (լուսանկար)

Ստամբուլի նահանգապետարանի հաղորդագրության համաձայն՝ հրդեհաշիջման աշխատանքների ընթացքում տարհանվել է 4 մարդ, որոնցից ծխից տուժած 2-ը տեղափոխվել են հիվանդանոց։