Իրավական12:06, 07 Ապրիլ 2020
Էրդողանը դատի է տվել հայտնի թուրք հաղորդավարին
Թուրքական «FOX TV» հեռուստաընկերության ճանաչված հաղորդավար Ֆաթիհ Փորթաքալը մեղադրվել է նախագահ Ռեջեփ Թայիփ Էրդողանին վիրավորելու մեջ։ Պատճառն այն է, որ վերջինս Twitter-ում իր դժգոհությունն է հայտնել Էրդողանի՝ կորոնավիրուսի դեմ պայքարի նպատակով բնակչությունից գումար հավաքելու նախաձեռնության առթիվ։
Հաղորդավարը մասնավորապես գրել է․ «Թող չհիշեցնեն Tekalif i Milliye-ի մասին ու պնդեն, թե «դժվար ժամանակներում ենք ապրում»՝ այդ կերպ պահանջելով մարդկանց խնայողություններն ու կապիտալը։ Երևի նաև կասեն, թե «կորոնայից հետո կվերադարձնենք»։ Ցավոք, չեմ կարող ասել, թե անհնար է»։
Նշենք, որ «Tekalif i Milliye» անվամբ հայտնի է Թուրքիայի Հանրապետության հիմնադիր Մուստաֆա Քեմալ Աթաթուրքի կողմից 1921թ․ օգոստոսի 7-ին հարպարակված և 10 հոդվածից ու 55 կետից բաղկացած պարտավորութունների ցանկը, որով բնակչությունը հարկադրվում էր գրեթե իր ողջ գույքն ու ունեցվածքը, զինամթերքը, սնունդը, փոխադրամիջոցները, մասնագիտությունները ծառայեցնել բանակին՝ պատերազմից հետո փոխհատուցվելու խոստմամբ։
Սակայն նշված փաստաթղթի հետ համեմատության հեղինակը ոչ թե Ֆաթիհ Փորթաքալն է, այլ հենց ինքը՝ Էրդողանը․ վերջինս հիշեցրել էր Աթաթուրքի հրապարակած այդ փաստաթղթի մասին այն բանից հետո, երբ նրան քննադատել էին կորոնավիրուսի դեմ պայքարի նպատակով բնակչությունից աջակցություն պահանջելու համար։
Փորթաքալի դեմ Էրդողանի փաստաբան Ահմեթ Օզելի ներկայացրած հայցադիմումի համաձայն՝ հաղորդավարը ակնհայտորեն կեղծել և իրական իմաստից տարբեր կերպ է մեկնաբանել նախագահ Էրդողանի խոսքերը՝ փորձելով բնակչության մոտ սխալ տպավորություն ստեղծել։ Ըստ հայցադիմումի՝ Էրդողանի նախաձեռնությունը հիմնված է բացառապես կամավորության սկզբունքի վրա և ոչ մի կերպ նպատակ չի հետապնդում բռնագրավելու ժողովրդի ունեցվածքը, իսկ վերոնշյալ փաստաթղթի մասին Էրդողանը հիշեցրել է միայն որպես ազգային համախմբվածության օրինակ։
Այս ենթաբաժնի վերջին նորությունները
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Դատական գործում մեղադրվում է 108 անձ, որից 24-ը կալանավորված է:Նրանց թվում է նաև քրդամետ ԺԴԿ-ի նախկին համանախագահ Սելահաթթին Դեմիրթաշը:
Ծագումվող ղազախ հանցագործը ձերբակալվել է Ստամբուլում անցկացված «Mahzen-27» գործողության արդյունքում:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ընդդիմադիր շրջանակներում պտտվում են լուրեր, որոնց համաձայն՝ ԱԶԿ-ի ներսում լարված մթնոլորտ է տիրում:
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Թուրքիան շարունակում է քննադատորեն արձագանքել Էգեյան ծովում Հունաստանի վարած քաղաքականությանը։
Ի լրումն հարվածային գործառույթների՝ «KEMANKEŞ 2-» հրթիռը կարող է օգտագործվել տվյալների հավաքագրման և փոխանցման համար:
Մշտադիտարկման համատեղ կենտրոնը հիմնվել էր 2020թ. 44-օրյա պատերազմից հետո։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |