Թուրք ուսանողներ են ձերբակալվել իրենց երկրի հասցեին հայհոյանք հնչեցնելու պատճառով

Իրավական17:16, 31 Մարտ 2020

Թուրք ուսանողներ են ձերբակալվել իրենց երկրի հասցեին հայհոյանք հնչեցնելու պատճառով

Կորոնավիրուսի համաճարակի պատճառով Ուկրաինայից Թուրքիա վերադարձած երեք ուսանող, որոնք գտնվել են մեկուսացման մեջ Բոլու քաղաքի ուսանողական հանրակացարաններից մեկում, կարանտինից դուրս գալուց հետո անմիջապես ձերբակալվել են իրավապահ մարմինների կողմից։

Բանն այն է, որ մեկուսացման մեջ գտնվելու ժամանակ նրանք սոցիալական ցանցերով, գրառումներ և ուղիղ եթերով տեսանյութեր են հրապարակել, որոնց մեջ Թուրքիայի Հանրապետությանն ուղղված հայհոյանքներ են տեղ գտել։

Թուրքիայի Քրեական օրենսգրքի 301-րդ հոդվածի շրջանակներում նրանց դեմ քրեական գործ է հարուցվել։ Իսկ 301-րդ հոդվածում մասնավորապես նշված է.

1. Այն անձը, որը «հրապարակավ կվիրավորի թուրք ազգին, հանրապետությունը կամ Թուրքիայի Ազգային մեծ ժողովը (ԹԱՄԺ)», կբանտարկվի 0.5-3 տարով:

2. Այն անձը, որը «հրապարակավ կվիրավորի Թուրքիայի Հանրապետության կառավարությանը, պետական դատական հաստատությունները, զինված ուժերը կամ անվտանգության ուժերը», կբանտարկվի 0.5-2 տարով»։

Այս ենթաբաժնի վերջին նորությունները

15:34, 12 հուն

Թուրքիայում շուրջ 4 միլիոն երեխա է աշխատում

Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։

15:00, 05 հուն

Ստամբուլի շրջանի ընդդիմադիր 5 համայնքապետեր կալանավորվել և հեռացվել են պաշտոնից

Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։