ERMENI HABER AJANSI

Թուրքիայի վիճակագրական ընկերությունը (TÜİK) տվյալներ է հրաապարակել երկրում աշխատող երեխաների վերաբերյալ։

Ըստ այդմ՝ ողջ երկրում 5-17 տարեկան երեխաների թիվը կազմում է 16 մլն 457․000 կամ բնակչության 20․3 տոկոսը, իսկ աշխատող երեխաների թիվն անցնում է 720․000-ից։ Աշխատող երեխաների 79․7 տոկոսը պատկանում է 15-17 տարիքային խմբին, 15․9 տոկոսը՝ 12-14 տարիքային խմբին, 4․4 տոկոսը՝ 5-11 տարիքային խմբին։

Ընդ որում աշխատող երեխաների 70․6 տոկոսը արական սեռի, 29․4 տոկոսը՝ իգական սեռի ներկայացուցիչներ են։ Ուշագրավ է նաև, որ աշխատող երեխաների 65․7 տոկոսն աշխատանքին զուգահեռ շարունակել է սովորել։

Աշխատող երեխաների 12․9 տոկոս ստիպված է աշխատել չափից դուրս շոգ կամ ցուրտ, չափից դուրս խոնավ կամ չորային պայմաններում, իսկ 10․8 տոկոսն աշխատանքի ընթացքում ենթարկվում է վնասակար քիմիական նյութերի, փոշու, ծխի կամ վտանգավոր գազերի ազդեցությանը։

Աշխատող երեխաների 10․1 տոկոսն աշխատում է ֆիզիկական անհարմար պայմաններում՝ կրելով ծանր բեռներ կամ ֆիզիկապես դժվար գործողություններ կատարելով, 10 տոկոսն աշխատում էբարձր աղմուկի կամ ուժգին ցնցումների պայմաններում, 6․4 տոկոսի աշխատանքի պայմանները ռիսկային են կյանքի համար։