Իմամօղլուն նշել է, որ կորոնավիրուսի վտանգի 60%-ը Ստամբուլում է

Հասարակական21:26, 30 Մարտ 2020

Իմամօղլուն նշել է, որ կորոնավիրուսի վտանգի 60%-ը Ստամբուլում է

Թուրքիայի գլխավոր ընդդիմադիր «Ժողովրդահանրապետական կուսակցությունը» (CHP) ներկայացնող Ստամբուլի քաղաքապետ Էքրեմ Իմամօղլուն հայտարարել է, որ Թուրքիայում կորոնավիրուսի տարածման վտանգի 60%-ը հենց Ստամբուլում է։

Հետևաբար Իմամօղլուն կարծում է, որ փողոց դուրս գալու արգելք սահմանելը անհրաժեշտություն է։

«FOX TV» հեռուստաալիքով ունեցած ելույթի ժամանակ Իմամօղլուն մեկնաբանել է քաղաքային ավտոբուսների վիճակը պատկերող տեսանյութերը։ Նա նշել է, որ այդ տեսարանները դիտելիս «արյուն երակներում սառել է»։

«Խաղի չեն գնում, առավոտյան նամազի չեն գնում, կիրակի օր է, բանուգործ էլ չկա։ Եթե սա է քաղաքականությունը, թող անիծվի այսպիսի քաղաքականությունը։ Աշխարհը փոխվել է, բայց ուղեղները չեն փոխվել»,- ասել է Իմամօղլուն հաղորդման ժամանակ։

Նա նշել է, որ Ստամբուլի Բեյլիքդյուզու թաղամասից դեպի Սյողութլուչեշմե ուղևորվող մետրոբուսը 52 կանգառ ունի և նույն ժամին 65 ուղևոր է օգտվել տրանսպորտից։

Իմամօղլուն այս համաճարակը հաղթահարելու համար անհրաժեշտ է համարել միասնական խելամիտ գործողությունների առկայությունը։

Այս ենթաբաժնի վերջին նորությունները

12:20, 13 մայ

Թուրքիայում ծնելիության ցուցանիշը նվազում է

Թուրքիայի վիճակագրական ծառայությունը (TÜİK) հրապարակել է 2024 թվականի ծնելիության տվյալները։

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։