Թուրքիայի ՆԳ նախարար. «Երկրում կյանքը 80%-ով կանգ է առել»

Տարածաշրջան12:39, 27 Մարտ 2020

Թուրքիայի ՆԳ նախարար. «Երկրում կյանքը 80%-ով կանգ է առել»

Թուրքիայի ներքին գործերի նախարար Սուլեյման Սոյլուն, եթերում խոսելով երկրում կորոնավիրուսի տարածման դեմ իրականացվող միջոցառումների մասին, ասել է, որ այս պահին Թուրքիայում կյանքը 80%-ով կանգ է առել: Նախարարը նշել է, որ քաղաքային աշխուժության ու հասարակական տրանսպորտի շարժի առումով դեռ մտահոգիչ վիճակ կա երկրի արևելյան ու հարավ-արևելյան (քրդաբնակ) որոշ շրջաններում, սակայն խոշոր քաղաքները՝ Ստամբուլը, Անկարան, ամբողջությամբ ինքնամեկուսացված վիճակում են:

Սոյլուն, խոսելով Թուրքիայում փողոց դուրս գալու արգելք հայտարարելու հնարավորության մասին, ասել է, որ սոցիալական ամբողջական մեկուսացումը միշտ էլ կա իրենց օրակարգում, սակայն դա կկիրառվի այն դեպքում, երբ ստեղծվի այնպիսի իրավիճակ, որ ներկայում կիրառվող սահմանափակումները բավարար չլինեն վարակի տարածման դեմն առնելու համար:

Թուրքիայի ներքին գործերի նախարարը նաև նշել է, որ անհրաժեշտության դեպքում առաջիկայում կարող են դադարեցնել նաև միջքաղաքային տրանսպորտի աշխատանքը:

ՀԻշեցնենք, որ վերջին տվյալների համաձայն՝ Թուրքիայում կորոնավիրուսով վարակվածների թիվը հասել է 3629-ի, վիրուսուց մահացածների թիվը՝ 75-ի:

Աղբյուր` Demokrathaber.org

Այս ենթաբաժնի վերջին նորությունները

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։