Քաղաքական11:45, 24 Մարտ 2020
ԵԽ-ում Թուրքիայի հարցերով զեկուցողը քննադատել է քուրդ համայնքապետերի ձերբակալությունը
Եվրախորհրդարանում (ԵԽ) Թուրքիայի հարցերով նոր զեկուցող Նաչո Սանչես Ամորն անդրադարձել է նախօրեին Թուրքիայում քրդամետ «Ժողովուրդների դեմոկրատական կուսակցությունը» (HDP-ԺԴԿ) ներկայացնող ՏԻՄ 5 ղեկավարի ձերբակալությանը և կորոնավիրուսի պատճառով կառավարության՝ համաներում շնորհելու մտադրությանը։
Այս թեմաների մասին Սանչես Ամորը գրառում է արել Twitter միկրոբլոգի իր պաշտոնական էջում։
«Դժվար է տեսնել և հասկանալ, որ նույնիսկ այս ծանր պահերին կառավարությունը շարունակում է խարխլել տեղական ժողովրդավարությունը՝ դեմ գնալով վերջին ընտրություններում ժողովրդի արտահայտած կամքին»,-գրել է նա։
Ամորը նաև նշել է, որ ըստ շրջանառվող լուրերի՝ բանտերում կորոնավիրուսի ներթափանցումը կանխարգելելու համար Թուրքիայի կառավարությունը մտադիր է համաներում շնորհել բանտերում գտնվող մեծ թվով կալանավորների։
Նրա խոսքով՝ չկա ավելի լավ հնարավորություն, քան ազատ արձակել ապօրինաբար բանտարկված հարյուրավոր մարդկանց, որոնց շարքերում կան լրագրողներ, մտավորականներ, փաստաբաններ և իրավապաշտպաններ։
Հիշեցնենք, որ մարտի 23-ին Թուրքիայի արևելյան շրջանների՝ Բաթմանի, Սիլվանի, Էրգանիի, Լիջեի և Էղիլի ձերբակալված քուրդ ղեկավարները մեղադրվում են ահաբեկչությանն առնչվող քրեական հոդվածների հատկանիշներով։ Բաթմանի և Սիլվանի քաղաքապետերի փոխարեն պետությունն արդեն պետական կառավարիչներ (հոգաբարձու) է նշանակել։
Այս ենթաբաժնի վերջին նորությունները
Թուրքիայի պահպանողական, իսլամիստական ուղղվածության «Նոր բարօրություն կուսակցության» ղեկավարը հանդես է եկել հայտարարությամբ:
Պոլսահայ գործիչը անհրաժեշտ է համարել անհապաղ քայլեր ձեռնարկել այդ ուղղությամբ։
Թուրքիայի նախագահը կառավարության նիստից հետո հանդես է եկել հայտարարություններով:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Կազմակերպությունը համոզմունք է հայտնել, որ այս պատմական զարգացումը տարածաշրջանին կբերի երկարատև խաղաղություն։
Թուրքիայի պահպանողական, իսլամիստական ուղղվածության «Նոր բարօրություն կուսակցության» ղեկավարը հանդես է եկել հայտարարությամբ:
ԱՄՆ նախագահ Դոնալդ Թրամփի հովանու ներքո օգոստոսի 12-ի երկու երկրների միջև նախաստորագրվել էր խաղաղության և դիվանագիտական հարաբերությունների հաստատման մասին համաձայնագիրը:
Օգոստոսի 10-ին Թուրքիայի Բալըքեսիր նահանգում 6.1 բալ ուժգնությամբ երկրաշարժ է գրանցվել:
Թուրքիայի նախագահ Ռեջեփ Թայիփ Էրդողանի գլխավորությամբ օգոստոսի 11-ին կառավարության նիստ կգումարվի:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |