Թուրքիայի առաջին կին վարչապետ Թանսու Չիլլերն Իդլիբի հարցում միասնության կոչ է արել

Տարածաշրջան10:25, 05 Մարտ 2020

Թուրքիայի առաջին կին վարչապետ Թանսու Չիլլերն Իդլիբի հարցում միասնության կոչ է արել

Թուրքիայում 1993-1996թթ. վարչապետի պաշտոնը զբաղեցրած Թանսու Չիլլերը հանդես է եկել Իդլիբի վերաբերյալ հայտարարություն-կոչով։ Թուրքիայի առաջին կին վարչապետ տիկին Չիլլերը նախկինում ղեկվարել է պահպանողական «Ճշմարիտ ուղի» կուսակցությունը։

Թուրքիայի խորհրդարանի (մեջլիս) շենքում գտնվող «Հանրապետության թանգարանում» կազմակերպված «Թուրք կինը ազգային ինքնիշխանության 100-րդ տարում» խորագրով միջոցառմանը Թանսու Չիլլերն անդրադարձել է Սիրիայի խնդրին։ Ի պատասխան «Իդլիբում ի՞նչ գործ ունենք» հարցադրումների՝ նա նշել է, որ եթե Իդլիբում Թուրքիան ոչինչ չանի, ապա Թուրքիայի համար շատ ավելի վատ կլինի։

Ըստ Չիլլերի՝ Թուրքիայի ներքին անվտանգությունն անհնար է ապահովել առանց Իդլիբում արվող գործողությունների։ Հակառակ պարագայում գործողությունները հետո կտեղափոխվեն Թուրքիայի հարավ և Թուրքիան ավելի շատ մարդկային կորուստներ կունենա։

Ուստի Թանսու Չիլլերն Իդլիբի հարցում բոլոր թուրքերին միասնության կոչ է արել։ Նա նաև հիշեցրել է, թե ինչպես 1995-ին թուրքական զորքերը մտան Իրաքի տարածք և 60 կիլոմետրանոց անվտանգության գոտի ստեղծեցին։ Հետևաբար Չիլլերը համոզված է, որ այսօրվա քայլերն էլ են ճիշտ և տեղին։

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: