11:48, 02 Մարտ 2020
Լավրովը Չավուշօղլուից պահանջել է ապահովել լրագրողների անվտանգությունը
Ռուսաստանում մեծ աղմուկ են հանել «Sputnik» լրատվամիջոցի թուրքական ծառայության աշխատակիցների ձերբակալությունները։ Նախօրեին թուրքական իրավապահ մարմինները բերման են ենթարկել հիշյալ լրատվամիջոցի թուրքական ծառայության գլխավոր խմբագիր Մահիթ Բոզթեփեին և 3 աշխատակցի։ Վերջիններս ցուցմունք տալուց հետո որոշ ժամանակ անց ազատ են արձակվել։
Մինչև այդ էլ անհայտ անձինք ներխուժել էին «Sputnik»-ի թուրքական ծառայության նույն այդ աշխատակիցների բնակարաններ։ Հարձակվողները հնչեցրել էին ազգայնական բնույթի վանկարկումներ։
Այդ իրադարձությունները տեղի են ունեցել Իդլիբի հարցով ռուս-թուրքական ճգնաժամի ֆոնին։
Տեղի ունեցածի շուրջ կայացել է հեռախոսազրույց Թուրքիայի և Ռուսաստանի արգործնախարարների միջև։ Հեռախոսազրույցի ընթացքում ՌԴ արտգործնախարար Սերգեյ Լավրովը թուրքական կողմից պահանջել է միջոցներ ձեռնարկել «Sputnik»-ի աշխատակիցների անվտանգությունն ապահովելու համար։
Թուրքական որոշ կայքեր էլ փորձել են պարզել, թե որն է եղել լրագրողներին բերման ենթարկելու պատճառը։ Որոշ լրատվամիջոցներ առաջ են քաշում վարկած, ըստ որի՝ բերման ենթարկելու պատճառը «Sputnik»-ում հրապարակված «Գողացված նահանգ. ինչո՞ւ Ֆրանսիան 80 տարի առաջ Թուրքիային հանձնեց Սիրիայի տարածքը» վերնագրով հոդվածը:
Խոսքն Ալեքսանդրետի (ներկայումս Հաթայ) նահանգի մասին է, որն այժմ Թուրքիայի կազմի մեջ է։
Նշենք, որ Ալեքսանդրետի սանջակը, Ալեքսանդրետ քաղաքին հարող մարզի նախկին անվանումն է (այժմ Թուրքիայի Հաթայ նահանգը)։
Որպես Սիրիայի մի մաս՝ Ալեքսանդրետի սանջակը 1915-1918թթ. Օսմանյան կայսրության կազմում էր։ 1918-ի նոյեմբերին այն օկուպացրել են անգլիացիները, հետո՝ ֆրանսիացիները։ Այստեղ է գտնվում Մուսա լեռը, որտեղ 1915թ. հուլիս-սեպտեմբեր ամիսներին տեղի է ունեցել հայերի ինքնապաշտպանական հերոսամարտը։ 1920թ. Ալեքսանդրետի սանջակը մտցվել է Ֆրանսիայի մանդատին հանձնված Սիրիայի կազմի մեջ։
1937-ից, ձևականորեն մնալով Սիրիայի կազմում, Ալեքսանդրետի սանջակը անցել է Ֆրանսիայի և Թուրքիայի համատեղ հսկողության տակ։ 1938-ին այստեղ ստեղծվել է Հաթայի ինքնավարությունը։ 1939-ի հունիսին վերջինս միացվել Է Թուրքիային։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |