Ռազմական14:07, 25 Փետրվար 2020
Էրդողան. «Թուրքիան Լիբիայում 2 զոհ ունի»
Թուրքիայի նախագահ Ռեջեփ Թայիփ Էրդողանն Ադրբեջան կատարելիք այցից առաջ Անկարայի Էսենբողա օդանավակայանում պատասխանել է լրագրողների հարցերին:
Էրդողանը, անդրադառնալով Լիբիայում տեղի ունեցող զարգացումներին, հայտարարել է, որ թուրքական զինուժը Լիբիայում 2 զոհ ունի:
Մինչ այդ Թուրքիայի գլխավոր ընդդիմադիր ուժ համարվող «Ժողովրդահանրապետական» կուսակցության նախագահ Քեմալ Քըլըչդարօղլուն քննադատել էր Էրդողանի վարած արտաքին քաղաքականությունը և նշել, որ վերջինս թուրք ժողովրդի շահերի համար Պուտինին է լսում, փոխանակ լսի երկրի ընդդիմությանը:
«Ինձ չի հետաքրքրում, թե ինչ է ասում ընդդիմությունը: Կարող եմ թվով էլ նշել (Լիբիայում թուրքական կորուստների մասին –խմբ.): Պարոն Քեմալը եկել, մեզ խելք է ուզում սովորեցնել: Արդեն հայտարարեցի տվյալները: Ի՞նչ է անելու դրանք պարոն Քեմալը»,-ասել է Էրդողանը:
Նշենք, որ Էրդողանն օրեր առաջ հայտարարել էր թուրքական զինուժի կորուստների վերաբերյալ, սակայն հստակ թիվ չէր նշել: Նա պնդել էր, որ թուրքական զինուժը Թուրքիայի աջակցությունը վայելող «Սիրիայի ազգային բանակ» խմբավորման հետ միասին Լիբիայի ազգային բանակի շուրջ 100 զինվորի է սպանել:
Հիշեցնենք, որ Թուրքիան աջակցում է Լիբիայի Ազգային համաձայնության կառավարությանը, իսկ արաբական երկրներից Սաուդիան Արաբիան, Եգիպտոսը, Արաբական Միացյալ Էմիրությունները` գեներալ Խալիֆա Հաֆթարի գլխավորած «Լիբիայի ազգային բանակին»:
Թուրքիայի խորհրդարանն արտահերթ նիստում նախագահ էրդողանին արտոնել էր 1 տարի ժամկետով թուրքական ստորաբաժանումներ ուղարկել Լիբիա՝ տեղի կառավարությանն աջակցելու:
Այս ենթաբաժնի վերջին նորությունները
Թուրքիայի ռազմարդյունաբերական առաջատար ընկերությունը Մերձավոր Արևելքի և աֆրիկյան տարածաշրջանի հաճախորդների հետ արտահանման պայմանագիր է ստորագրել:
Հունական մամուլը գրում է, դա Թուրքիային ընձեռում է ռազմավարական կարևորության նոր հնարավորություն:
Ըստ ամերկյան «Global Firepower» ընկերության՝ երկրների ռազմական ինքնաթիռների նավատորմի հզորությունը ցույց է տալիս նրա զսպող ազդեցությունը արտաքին աշխարհի դեմ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի պահպանողական, իսլամիստական ուղղվածության «Նոր բարօրություն կուսակցության» ղեկավարը հանդես է եկել հայտարարությամբ:
ԱՄՆ նախագահ Դոնալդ Թրամփի հովանու ներքո օգոստոսի 12-ի երկու երկրների միջև նախաստորագրվել էր խաղաղության և դիվանագիտական հարաբերությունների հաստատման մասին համաձայնագիրը:
Պոլսահայ գործիչը անհրաժեշտ է համարել անհապաղ քայլեր ձեռնարկել այդ ուղղությամբ։
Միջադեպը տեղի է ունեցել օգոստոսի 11-ին, երբ ընտանիքը վերադառնում էր ճամփորդությունից։
Մուրհեֆ Էբու Քասրան դռնփակ հանդիպում կունենա Թուրքիայի պաշտպանության նախարար Յաշար Գյուլերի հետ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |