Իրավական12:50, 20 Փետրվար 2020
Հրանտ Դինքին սպանած Սամասթը ժանդարմերիայի հրամանատարի ցուցումով է նկարվել թուրքական դրոշով
Ստամբուլի ծանր հանցագործությունների 14-րդ դատարանում տեղի է ունեցել «Ակոս» թերթի հիմնադիր-խմբագրապետ Հրանտ Դինքի սպանության գործով 2013-ին վերաբացված դատավարության հերթական նիստը:
Վերաբացված դատավարությանը ներգրավված են մի շարք նախկին պետական պաշտոնյաներ ու ուժային կառույցների ղեկավարներ: Նիստի ժամանակ որպես վկա հարցաքննաված Սամսունի ժանդարմերիայի նահանգային նախկին հրամանատար Սերդար Յուջելը խոստովանել է, որ Դինքին սպանած Օգյուն Սամասթի՝ ժանդարմերի շենքում լուսանկարվելու ցուցումը ինքն է տվել: Յուջելը, սակայն, նշել է, որ ինքը չի հրամայել ձերբակալված Սամասթին նկարել Աթաթուրքի պաստառի ֆոնին՝ Թուրքիայի դրոշ պարզած:
Յուջելի հայտարարությանը հակառակ ցուցմունք է տվել այդ ժամանակ Սամսունի ժանդարմերիայում ծաառայող և Սամսունի ավտոկայանում հանցագործին ձերբակալած Բիրոլ Ուսթաօղլուն, ով այդ նկարում կանգնած է Սամասթի կողքին: Ուսթաօղլուն նշել է, ով մաիժամանակ կազմակերպել է այդ լուսանկարվելը, նշել է, որ թե՛ լուսանկարվելու, և թե՛ տեղն ընտրելու համար հրաման է ստացել վերադասից:
Հիշեցնենք, որ Հրանտ Դինքին Ստամբուլի Շիշլի թաղամասում գտնվող «Ակոսի» նախկին խմբագրության շենքի դիմաց սպանած Սամասթը դեպքի վայրից փախուստի էր դիմել ու ավելի ուշ հայտնաբերվել ու ձերբակալվել էր Սամսունում:
Ձերբակալությունից հետո տեղի ժանդարմերիայի բաժանմաունք տեղափոխված Սամասթը 2 ժանդարմերիայի ծառայողի հետ լուսանկարվել էր թուրքական դրոշը պարզած և պատին ամրացված Թուրքիայի Հանրապետության հիմնադիր Մուսթաֆա Քեմալ Աթաթուրքի նկարի ֆոնին, որի վրա գրված է «Հայրենի հողը սուրբ է և չի կարող թողնվել ճակատագրի քմահաճույքին»:
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Տնտեսության և խաղաղության ինստիտուտը (IEP) հրապարակել է Գլոբալ խաղաղության ինդեքսի 2025 թ. առաջին կիսամյակի արդյունքները:
Պետդեպը հորդորել է չայցելել Թուրքիայի հարավ-արևելյան նահանգներ և չմասնակցել ցույցերի։
Շիմշեքը նշել է, որ Թուրքիան վերլուծում է աշխարահաքաղաքական լարվածության աճի բազմաչափ ազդեցությունն իր տնտեսության վրա։
Թուրքիայի ԱԳՆ-ի հայտարարությամբ կողմերին կոչ է արվում գործել պատասխանատու կերպով ու դադարեցնել փոխադարձ հարձակումները։
Թուրքիայի նախագահը նշել է, որ տարածաշրջանը նոր պատերազմ չի կարող հանդուրժել, անհրաժեշտ է անհապաղ կանգնեցնել Իսրայելին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |