Քաղաքական18:17, 19 Փետրվար 2020
Ֆրանսիայի դպրոցներում կարող է արգելվել թուրքերենի ուսուցումը
Ֆրանսիայի նախագահ Էմանուել Մակրոնը հայտարարել է, որ իրեն անհանգստացնում է ֆրանսիական դպրոցներում օտար լեզուների դասավանդման ծրագրերը, որոնք կազմակերպվում են տվյալ համայնքների կողմից ու չեն վերահսկվում պետության կողմից:
Մակրոնը նշել է, որ Ֆրանսիայում «մայրենի լեզվի ու մշակույթի ուսուցում» ծրագրի շրջանակներում 80 հազար աշակերտի օտար լեզուներ է դասավանդվում ու ավելացրել. «Որպես Ֆրանսիայի նախագահ՝ ինձ անհանգստացնում է այն հանգամանքը, որ պետությունը չի կարողանում վերահսկել հանրապետական դպրոցներում դասավանդվող ծրագրերը: Ուսումնական ծրագրերի մասով մենք վերահսկողություն չունենք, և դա ինձ համար խնդիր է»:
Ֆրանսիայի նախագահը նշել է, որ ներկայիս ծրագրերով ուսուցանումը դադարեցնելու նպատակով իրենք երկար ժամանակ բանակցություններ են վարում այն երկրների հետ, որոնց պետական լեզուները և մշակույթները ուսուցանվում են Ֆրանսիայում:
Մակրոնի խոսքով իրենք անցնում են «Օտար լեզուների միջազգային ուսուցում» համակարգին, ինչը ենթադրում է, որ ուսուցիչները պետք է խոսեն ֆրանսերենին, ենթարկվեն երկրի օրենքներին, իսկ ուսումնական ծրագրերը պետք վերահսկվեն պետության կողմից: Մակրոնը նշել է, որ այս հարցում արդեն համաձայնության են եկել 8 երկրների հետ, սակայն Թուրքիայի հետ շարունակվող ամիսներ տևող բանակցությունները դեռևս արդյունք չեն տվել:
«Ֆրանսիայի ողջ տարածքում 2020-ի սեպտեմբերից դպրոցներում օտար լեզուների ու մշակույթի դասավանդման ծրագրերը չեղարկվելու են»,- ասել է Մակրոնը և ավելացրել,- «Եթե Թուրքիայի հետ համաձայնության չգանք և եթե Թուրքիան չընդունի նոր համակարգը, ապա բոլոր դասերը կչեղարկենք»:
Ֆրանսիայի նախագահն անդրադարձել է նաև երկրում գործող մզկիթներում Թուրքիայից, Ալժիրից ու Մարոկոյից գործուղված իմամների (իսլամակն հոգևոր սպասավոր) ծառայությանը: Մակրոնը նշել է, որ պետք է վերջ տալ այդ պրակտիկային:
«Իմ երկրում ապրող թուրքերն իմ աչքում ֆրանսիացի են:Ուզում եմ, որ նրանք ֆրանսիացի լինեն: Ուզում եմ, որ նրանք ունենան բոլոր այն իրավունքները, որոնք ունեն ֆրանսիացիները, բայց նաև ենթարկվեն տեղի օրենքներին: Թուրքիայի օրենքներն այստեղ չեն կարող գործել»,- ասել է Մակրոնը
Այս ենթաբաժնի վերջին նորությունները
Թուրքիայի գանձապետարանի և ֆինանսենրի նախարարը խոսել է տնտեսական բարեփոխումների շրջանակներում գնաճը հաղթահարելու նպատակով ձեռնարկվելիք անհրաժեշտ քայլերի մասին:
Ազատ գրաֆիկով և հեռավար տարբերակով աշխատող մարդկանց համար նախատեսված «Digital nomads» վիզան կտրամադրվի 3-ից 5 տարով:
Հայտարարության մեջ նշվում է, որ լարվածությունը, որը սկսվել է Դամասկոսում Իրանի դեսպանատան վրա Իսրայելի հարձակմամբ հակասում է միջազգային իրավունքին․
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Մշտադիտարկման համատեղ կենտրոնը հիմնվել էր 2020թ. 44-օրյա պատերազմից հետո։
Իսկ Թուրքիայում այս տարի նախատեսվում է հորատել 140 նավթահոր՝ ածխաջրածնային պաշարների հանքավայրեր որոնելու համար։
Էպիկենտրոնը եղել է Իզմիրի Սեֆերիհիսար շրջանը, որտեղ ցնցման ուժգնությունը կազմել է 4.5 բալ:
Ազատ գրաֆիկով և հեռավար տարբերակով աշխատող մարդկանց համար նախատեսված «Digital nomads» վիզան կտրամադրվի 3-ից 5 տարով:
Հայտարարության մեջ նշվում է, որ լարվածությունը, որը սկսվել է Դամասկոսում Իրանի դեսպանատան վրա Իսրայելի հարձակմամբ հակասում է միջազգային իրավունքին․
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |