Քաղաքական13:39, 18 Փետրվար 2020
Բահչելի. «Թուրքիան Ռուսաստանին ճանաչում է դեռ 1877-1878թթ. ռուս-թուրքական պատերազմից»
Թուրքիայում աջակողմյան ուժ և «Գորշ գայլերի» քաղաքական թևը համարվող «Ազգայնական շարժում» կուսակցության նախագահ Դևլեթ Բահչելին անդրադարձել է երկրի ներքաղաքական և արտաքին քաղաքական հարցերին:
Սիրիայի կառավարական ուժերին աջակցող Ռուսաստանի վերաբերյալ, Բահչելին նշել է, որ վերջինս այլևս չի կարող թաքնվել ոչ մի դիմակի տակ և հավելել, որ Ռուսաստանին Թուրքիան ճանաչում է դեռևս 1877-1878թթ. ռուս-թուրքական պատերազմից:
«Կրեմլը պետք է լավ իմանա, որ մենք զոհերի հարցը չենք խառնում քաղաքականությանը: Երբ գա ժամանակը մենք այս հաշիվներն անպայման պահանջելու ենք մեղավորներից»,- նկատել է նա:
Անդրադառնալով Սիրիայում ԱՄՆ-ի հատուկ ներկայացուցիչ Ջեյմս Ջեֆրիի` Թուրքիա կատարած այցին, ինչպես նաև վերջինիս հայտարարություններին, Բահչելին ընդգծել է, որ Թուրքիայում չկա մեկը, որ կհավատա ԱՄՆ-ի կողմից հնչեցված հայտարարություններին:
Նրա պնդմամբ` Ռուսաստանը Ասադի հովանավորն է, իսկ ԱՄՆ-ն վերահսկում է Թուրքիայում ահաբեկչական համարվող «Քուրդիստանի բանվորական» կուսակցությանը (PKK):
Բահչելիի համոզմամբ` միակ պետությունը, որը ցանկանում է Սիրիայի տարածքային ամբողջականությունը, դա Թուրքիան է, իսկ Ռուսաստանը և ԱՄՆ-ն պայքարում են հավասարակշռությունը վերահսկելու և բնակավայրեր ստեղծելու համար:
Սիրիայում թուրքական զինուժի և Սիրիայի կառավարական ուժերի միջև տեղի ունեցող ռազմական գործողություների թեմայով Բահչելին խիստ քննադատության է ենթարկել Բաշար ալ-Ասադին: Նրա խոսքով` Սիրիայի նախագահ Ասադն ամբողջ աշխարհի աչքի առաջ ժողովրդի արյունահեղություն է անում:
«Քանի դեռ Ասադին չեն իշխանազրկել, խաղաղությունը մոմի լույսով են փնտրելու»,-ասել է Բահչելին:
Նա շեշտել է, որ Թուրքիան կատակ չի անում և Ասադի ուժերը մինչև փետրվարի վերջ պետք է լքեն Իդլիբը, հակառակ դեպքում սպառնացել է նոր հարձակմամբ, որի հետևանքները ծանր կլինեն Սիրիայի կառավարական ուժերի համար: Կոչ է արել Սիրիայի Իդլիբ նահանգում անմիջապես դադարեցնել ռազմական գործողությունները և հավատարիմ մնալ Սոչիի համաձայնագրին, ինչպես նաև Աստանայում ձեռք բերված պայմանավորվածությանը:
Այս ենթաբաժնի վերջին նորությունները
Օրակարգում են եղել Թուրքիա-Ուկրաինա երկկողմ հարաբերություններին, ինչպես նաև ռուս-ուկրաինական խաղաղության գործընթացին, տարածաշրջանային և համաշխարհային զարգացումներին վերաբերող հարցեր։
Ջևդեթ Յըլմազը արձագանքել է Իսրայելի վարչապետ Բենիամին Նեթանյահուի 1915-ի Հայոց ցեղասպանության վերաբերյալ հայտարարություններին:
Մանսուր Յավաշն ասել է, որ Գազայում իրականացվող գործողությունների ֆոնին Իսրայելի վարչապետը բարոյական իրավունք չունի խոսելու մարդասիրությունից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մանսուր Յավաշն ասել է, որ Գազայում իրականացվող գործողությունների ֆոնին Իսրայելի վարչապետը բարոյական իրավունք չունի խոսելու մարդասիրությունից։
Միջազգային հետազոտության համաձայն՝ մարդկային գործունեության հետևանքով փոփոխված կլիման 22%-ով ավելի է խստացրել շոգ, չոր և քամոտ պայմանները։
Ջևդեթ Յըլմազը արձագանքել է Իսրայելի վարչապետ Բենիամին Նեթանյահուի 1915-ի Հայոց ցեղասպանության վերաբերյալ հայտարարություններին:
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Թուրքիայում գործող «Areda Survey» հետազոտական ընկերությունը հրապարակել է «Արտաքին քաղաքականություն և ռազմարդյունաբերություն» սոցհարցման արդյունքները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |