2019թ․ Թուրքիայում սպանվել է 328 կին

Հասարակական10:18, 17 Փետրվար 2020

2019թ․ Թուրքիայում սպանվել է 328 կին

Ըստ թուրքական մամուլի հրապարակումների՝ 2019թ․ հունվարի 1-ից մինչև դեկտեմբերի 31-ը տղամարդկանց կողմից Թուրքիայում սպանվել է իգական սեռի 328 ներկայացուցիչ: Դարձյալ մամուլի հրապարակումների համաձայն՝ 51 կին բռնաբարվել է, 712 կին ենթարկվել՝ սեռական շահագործման: Նշված ժամանակամիջոցում տղամարդկանց կողմից սպանվել է 15 երեխա, այդ թվում՝ մանկահասակ երեխաներ, 279 երեխա էլ աշխատանքային շահագործման է ենթարկվել:

2019թ․ ընթացքում 20 կնոջ դեմ սպանության փորձ է արվել, իսկ 23 կին սպանության սպառնալիք է ստացել։ Շուրջ երեք տասնյակ կնոջ մահը մամուլում մեկնաբանվել է որպես «ինքնասպանություն», «ինքնասպանության հասցնել» կամ «կասկածելի հանգամանքներում ինքնասպանություն»։

2019թ․ ընթացքում 232 կնոջ նկատմամբ սեռական բնույթի բռնի գործողություններ են կատարվել, ընդ որում նաև անծանոթ տղամարդկանց կողմից: Բռնություն գործադրած տղամարդկանց թվում եղել են ռեկտորներ, բժիշկներ, ոստիկաններ, դատավորներ, հոգևորականներ։

Վերջին 6 տարվա ընթացքում Թուրքիայում տղամարդկանց կողմից սպանվել է 1699 կին, մարմանկան վնասվածք ստացել՝ 2705-ը։

Աղբյուր` t24.com.tr

Այս ենթաբաժնի վերջին նորությունները

14:53, 13 մայ

Հնդիկ վաճառականները կրպակներից հեռացնում են թուրքական ապրանքները (Տեսանյութ)

Ի պատասխան Պակիստանին ցուցաբերած ակնհայտ աջակցության՝ հնդիկները բոյկոտ են սկսել Թուրքիայի դեմ:

12:20, 13 մայ

Թուրքիայում ծնելիության ցուցանիշը նվազում է

Թուրքիայի վիճակագրական ծառայությունը (TÜİK) հրապարակել է 2024 թվականի ծնելիության տվյալները։

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։