Սաուդյան Արաբիան քննադատել է Լիբիայի հարցում Թուրքիայի վարած քաղաքականությունը

Տարածաշրջան11:32, 17 Փետրվար 2020

Սաուդյան Արաբիան քննադատել է Լիբիայի հարցում Թուրքիայի վարած քաղաքականությունը

Գերմանիայի Մյունխեն քաղաքում տեղի ունեցած Անվտանգության համաժողովին Սաուդյան Արաբիայի արտգործնախարար Ֆեյսալ բին Ֆարհանը քննադատել է Թուրքիայի վարած արտաքին քաղաքականությունը Լիբիայի նկատմամբ:

Ֆարհանը գերմանական «DPA» լրատվամիջոցի հետ հարցազրույցում կոչ է արել անհապաղ վերջ դնել Լիբիայի հարցում արտաքին ուժերի միջամտությանը:

«Թուրքիան Սիրիայից ջոկատներ է ուղարկում Լիբիա: Եվ այս ամենը ոչ թե նպաստում է իրավիճակի բարելավմանը, այլ իրավիճակի ապակայունացման պատճառ է դառնում»,-ասել է նա:

Նրա ընդծմամբ` իրավիճակի կայունացմանը չի նպաստում նաև Լիբիային մատակարարվող զենք- զինամթերքը:

Հիշեցնենք, որ Թուրքիան աջակցում է Լիբիայի Ազգային համաձայնության կառավարությանը, իսկ արաբական երկրներից Սաուդիան Արաբիան, Եգիպտոսը, Արաբական Միացյալ Էմիրությունները` գեներալ Խալիֆա Հաֆթարի գլխավորած «Լիբիայի ազգային բանակին»:

Թուրքիայի խորհրդարանն արտահերթ նիստում նախագահ էրդողանին արտոնել էր 1 տարով թուրքական ստորաբաժանումներ ուղարկել Լիբիա՝ տեղի կառավարությանն աջակցելու:

Աղբյուր` demokrathaber.org

Այս ենթաբաժնի վերջին նորությունները

15:24, 04 հուլ

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։