Թուրքիայում Էրդողանին վիրավորելու համար ձերբակալել են քաղցկեղով հիվանդ կնոջ

Իրավական12:28, 13 Փետրվար 2020

Թուրքիայում Էրդողանին վիրավորելու համար ձերբակալել են քաղցկեղով հիվանդ կնոջ

Թուրքիայում քաղցկեղով հիվանդ կինը ձերբակալվել է նախագահ Ռեջեփ Թայիփ Էրդողանին վիրավորելու և ահաբեկչական կազմակերպության օգտին քարոզչություն անելու մեղադրանքով:

Նշվում է, որ Շվեյցարիայից Թուրքիա վերադարձող Այթեն Սարըքայա Քեսլերը ձերբակալվել է Ստամբուլի օդանավակայանում անձնագրային ստուգում անցնելիս, երբ պարզվել է, որ կնոջ վերաբերյալ ձերբակալման որոշում կա:

Ձերբակալվելուց հետո Ստամբուլի արդարադատության պալատ տեղափոխված կնոջ ինքնազգոցողությունը վատացել է, ինչի հետևանքով նա կորցրել է գիտակցությունը և շտապ օգնության մեքենայով տեղափոխվել հիվանդանոց:

Չնայած կնոջ ծանր վիճակին՝ նրա նկատմամբ կալանավորման որոշում է կայացվել: Քեսլերի փաստաբանը հայտարարել է, որ իր պաշտպանյալը ծանր հիվանդ է և հիվանդությունը սրվել է: Ըստ փաստաբանի՝ կնոջ նկատմամբ կալանավորման որոշում կայացնելիս դատավորները հաշվի չեն առել կնոջ վիճակի անհամատեղելիությունը կալանքի հետ՝ ավելացնելով, որ քաղցկեղից բացի այդ կինն ունի ևս մի քանի այլ հիվանդություն:

Աղբյուր` Demokrathaber

Այս ենթաբաժնի վերջին նորությունները

14:33, 21 օգոս

Թուրքիան նոր քայլեր է ձեռնարկում Իսրայելի դեմ

Թուրքիայի նավահանգիստ այցելող նավերից կպահանջվեն փաստաթղթեր, որոնցում նշված կլինի, որ նրանք ռազմական բեռներ չեն տեղափոխում Իսրայել։

09:45, 14 օգոս

Թուրքիայում գլխավոր ընդդիմադիր կուսակցապետի նկատմամբ հետաքննություն է սկսվել

Օզգյուր Օզելը մեղադրվում է Թուրքիայի նախագահին վիրավորելու մեջ:

13:21, 12 օգոս

Թուրքիայում քրդերեն խոսելու համար ընտանիքը ծեծի է ենթարկվել

Միջադեպը տեղի է ունեցել օգոստոսի 11-ին, երբ ընտանիքը վերադառնում էր ճամփորդությունից։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Middle East Eye. «Թուրքիան պատրաստակամ է խաղաղապահ ուժեր տեղակայել Ուկրաինայում»

Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։