Իրավական13:24, 29 Հունվար 2020
Թուրքիայի ԱԳՆ-ն կոչ է արել ԱՄՆ-ին ազատ չարձակել Համբիկ Սասունյանին
Թուրքիայի արտգործնախարարությունն ԱՄՆ-ից պահանջել է ազատ չարձակել լիբանանահայ Համբիկ Սասունյանին, ով ցմահ ազատազրկման էր դատապարտվել Լոս Անջելեսում Թուրքիայի գլխավոր հյուպատոսին սպանելու մեղադրանքով։
Թուրքիայի ԱԳՆ-ի Twitter-ի պաշտոնական էջում հետևյալ հայտարարությունն է հրապարակվել․ «Կոչ ենք անում ԱՄՆ-ի համապատասխան մարմիններին ազատ չարձակել մեր գլխավոր հյուպատոս Քեմալ Արըքանին սպանած Սասունյանին»։ Ըստ հայտարարության՝ Սասունյանի ազատ արձակումը կարող է վատ նախադեպ լինել պաշտոնատար անձանց դեմ բռնության տարածման առումով։
Նշենք, որ 2019թ․ դեկտեմբերի 29-ին Կալիֆորնիայի քրեակատարողական վարչության պայմանական ազատ արձակման հարցերով խորհուրդի որոշմամբ Սասունյանին պայմանական ազատ արձակվելու հնարավորություն էր տրվել։ Իսկ արդեն 2020թ․ հունվարի 27-ին տեղի ունեցած նիստում, չնայած Թուրքիայի բոլոր հորդորներին ու հայտարարություններին, Համբիկ Սասունյանին ազատ արձակելու որոշում է կայացվել։ Որոշումը դեռ պետք է հաստատվի Կալիֆորնիայի նահանգապետի կողմից, բացի այդ՝ այն ենթակա է նաև բողոքարկման։
Հիշեցնենք, որ Լոս Անջելեսում Թուրքիայի գլխավոր հյուպատոս Քեմալ Արըքանը սպանվել էր 1982թ․ հունվարի 28-ին սեփական մեքենայում։ Սպանության պատասխանատվությունը ստանձնել էր «Հայոց ցեղասպանության արդարության մարտիկներ» խումբը։ Այդ գործով ցմահ ազատազրկման էր դատապարտվել խմբի անդամ Համբիկ Սասունյանը 1982-ին, սակայն նա չէր ընդունել իր մեղքը։ Միայն 20 տարի անց՝ 2002թ․, պայմանական ազատ արձակման հնարավորություն ստանալու հեռանկարով Սասունյանը ընդունել է հանցագործության մեջ իր մասնակցությունն ունենալու հանգամանքը՝ ցավակցելով Արըքանի հարազատներին։
Այս ենթաբաժնի վերջին նորությունները
17 տարում կանանց սպանությունների թիվը Թուրքիայում աճել է 344 տոկոսով։
Նշենք, որ թուրք լրագրող Լևենթ Գյուլթեքինը թուրքական «Halk TV» հեռուստաընկերության եթերում ասել էր, որ Ադրբեջանը պետություն չէ, այլ աշիրեթ է։
Թուրքիայում շարունակվում են ընդդիմադիր ուժ համարվող քրդամետ «Ժողովուրդների դեմոկրատական կուսակցության» (HDP-ԺԴԿ) անդամների հետապնդումներն ու ձերբակալությունները։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Էրդողանի տեղակալը չի շրջանցել նաև ԵԱՀԿ Մինսկի խմբին։
Վարժանքների ընթացքում կիրառվել է ընդհանուր առմամբ 37 զինատեսակ, որոնցից 4֊ը նոր–նոր են համալրել Թուրքիայի բանակի սպառազինությունը:
S-400-ների պայմանագիրը Թուրքիայի և Ռուսաստանի միջև ստորագրվել է 2017–ին, ինչի պատճառով թուրք-ամերիկյան հարաբերություններում ճգնաժամ է առաջացել։
Իրանի հակաօդային պաշտպանության ուժերի վարժանքները հատկապես կենտրոնցած են անօդաչու թռչող սարքեր ոչնչացնելու վրա։
Օրացույց
Հարցումներ
Ձեր կարծիքով պատերազմն Արցախում ե՞րբ կավարտվի
արտարժույթ
| EUR | TRY | USD |
| 549.84 | 90.05 | 485.12 |