Հասարակական14:36, 23 Հունվար 2020
Թուրքական դասագրքում գլխաբաց կանայք միշտ «վատն» են, գլխաշորովները՝ «լավը»
Թուրքիայի ազգային կրթության նախարարությունը ուսուցիչներին ուղեցույց–գրքեր է բաժանել, որոնցում տեղ գտած նկարազարդումները որոշակի կանխակալ վերաբերմունք են ձևավորում գլխաբաց և գլխաշորով կանանց նկատմամբ։ Բնական աղետների, ահաբեկչության, սեռական բռնության, շահագործման և այլ խնդիրների կանխարգելման և սոցիալ-հոգեբանական աջակցության ծրագրի շրջանակներում նախապատրաստված գիրքը, փաստորեն, կոնկրետ քարոզչական նպատակներ է հետապնդում։
Մասնավորապես, դրական դերում հանդես եկող կանայք գրքում պատկերվել են գլխաշորով, իսկ բացասական կերպարները՝ գլխաբաց։ Օրինակ՝ երեխաներին վատ վերաբերվող կանայք, փողոցում երեխային համբուրել փորձող անծանոթները նկարվել են գլխաբաց կնոջ տեսքով, այն դեպքում, երբ երեխային բուժող բժշկուհին, նրա մասին հոգ տանող գորովալից մայրը միշտ գլխաշորով են։
Թուրք սոցաշխատող Բյուլենթ Իլիքի կարծիքով Թուրքիայի կրթության նախարարությունը արդեն երկար ժամանակ նպատակաուղղված կերպով նման քաղաքականություն է վարում։ Պատասխանելով հարցին, թե արդյոք նման պատկերները երեխաների մոտ կարող են այն համոզմունքը ստեղծել, որ գլխաշորով կանայք բարի ու լավն են, իսկ գլխաբաց կանայք՝ չար ու վատը, Իլիքը նշել է․ «Երեխայի մոտ անմիջապես նման համոզմունք չի ձևավորվի, բայց պարբերաբար կրկնվելու դեպքում այդ ընկալումը կարող է ամրապնդվել։ Սա համակարգված ձևով, քայլ առ քայլ գործի դրվող գործընթացի մի մասն է։ Չի կարելի ասել, թե սա անողները լավ մտադրություն ունեն։ Կրթության նախարարությունն արդեն շատ երկար ժամանակ է համառորեն շարունակում է իր այս քաղաքականությունը»։
Այս ենթաբաժնի վերջին նորությունները
Երկրորդ տեղում Իրանի քաղաքացիներն են, որոնք գնել են 182 տեսակի անշարժ գույք։
1961-ից 2021-ն ընկած ժամանակահատվածում ամենաշատ աճը ծնելիության մակարդակում գրանցվել է Սաուդիան Արաբիայում. այն կազմել է 7.63 գործակից:
«Տեղեկատվության անվտանգության մասնագետի» համար պահանջվող սերտիֆիկատը կարող են ձեռք բերել միայն «Սպիտակ հաքեր» անունով հայտնի մասնագետները:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ընդդիմադիր շրջանակներում պտտվում են լուրեր, որոնց համաձայն՝ ԱԶԿ-ի ներսում լարված մթնոլորտ է տիրում:
Թուրքիան շարունակում է քննադատորեն արձագանքել Էգեյան ծովում Հունաստանի վարած քաղաքականությանը։
ԵՄ անդամ պետությունը նման քայլի է գնացել` ի պատասխան Թուրքիայի կողմից Օսման Քավալայի և Սելահաթթին Դեմիրթաշի ազատ արձակման մասին եվրադատարանիի որոշումների անտեսմանը։
Տաջիկստանի խորհրդարանի վավերացրած համաձայնագիրը ստորագրվել էր 2023թ. Ստամբուլում։
Թեմային նաև անդրադարձել է ՌԴ նախագահի մամուլի խոսնակ Դմիտրի Պեսկովը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |